Medio Rural fomenta a promoción das IXP Augardentes e Licores Tradicionais de Galicia nunha xornada de coctelería
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director da Axencia Galega da Calidade Alimentaria participou hoxe nunha xornada para a promoción destas bebidas espirituosas organizada pola Axencia e o consello regulador de Augardentes e Licores Tradicionais de Galicia
- No evento presentáronse as tres bebidas gañadoras do XXII Campionato Galego de Coctelería, que empregan estes produtos con selo de calidade na súa elaboración
Santiago de Compostela, 9 de xuño de 2025
O director da Axencia Galega da Calidade Alimentaria, Martín Alemparte, participou esta mañá na apertura dunha xornada para a promoción das indicacións xeográficas protexidas dos Augardentes e Licores Tradicionais de Galicia, organizado pola Consellería do Medio Rural en colaboración co consello regulador destas IXP.
Durante a súa intervención, Alemparte salientou a importancia deste evento, que ten como obxectivo dar a coñecer as catro indicacións xeográficas protexidas de bebidas espirituosas que existen na nosa comunidade -Augardente de Galicia, Augardente de Herbas de Galicia, Licor de Herbas de Galicia e Licor Café de Galicia.
O director explicou que este tipo de xornadas amosan a posibilidade de innovar dende a tradición a través da utilización dos produtos galegos con calidade diferenciada. Neste caso, a elaboración de cócteles favorecen que as bebidas espirituosas cheguen a novos consumidores sen renunciar á tradición.
Na xornada tívose a oportunidade de degustar as tres bebidas gañadoras do XXII Campionato Galego de Coctelería, preparadas en directo polos seus creadores Javier García, María Vila e Sonia García. Estas bebidas empregan na súa elaboración as Augardentes e Licores Tradicionais de Galicia amparados pola IXP. Estas creacións representaron a Galicia na final do concurso nacional de coctelería. Ofrecerase tamén unha completa proposta maridaxe con cada unha destas bebidas.
A Axencia Galega da Calidade Alimentaria organizou tamén un túnel de cata no que os asistentes degustaron as catro bebidas espirituosas galegas. Todo isto estará acompañado por unha degustación de produtos de Experiencias de Calidade. O director da Axencia destacou que se trata dunha xornada moi proveitosa para dar mostra da amplitude da calidade diferenciada galega, integrada por produtos agroalimentarios, viños, bebidas espirituosas e elaboracións artesanais, entre outras.
