Román Rodríguez salienta que a Feira do Salnés ratifica o nivel do alumnado galego en ciencias e conciencia medioambiental
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O conselleiro de Educación visitou esta cita promovida polo IES Armando Cotarelo Valledor, na que participan dez centros de cinco concellos
Estas imágenes pertenecen a Página Oficial de la Xunta de Galicia
Vilagarcía de Arousa (Pontevedra) 8 de xuño de 2025
O conselleiro de Educación, Ciencia, Universidades e Formación Profesional, Román Rodríguez, destacou hoxe durante a súa visita á Feira Salnés Ciencia que eventos como este confirman o alto nivel do alumnado galego nas disciplinas científicas e na conciencia ambiental. A feira, organizada polo Instituto IES Armando Cotarelo Valledor, reúne nesta segunda edición dez centros educativos dos concellos de Vilagarcía de Arousa, Cambados, Portas, Meis e Vilanova de Arousa, e ofrece ao longo da xornada unha ampla mostra de proxectos vinculados á ciencia, á tecnoloxía e ao medio ambiente.
Neste contexto, o conselleiro lembrou que Galicia continúa destacando polos bos niveis do alumnado en ciencia e conciencia medioambiental, tal e como reflicten os últimos estudos internacionais. Non en balde, os estudantes galegos lideran a primeira posición do Estado en competencia científica no informe PISA con 506 puntos, e moi por riba da media española e dos países da OCDE, que se sitúan en 485 puntos. Así mesmo, no estudo TIMSS da Asociación Internacional para a Avaliación do Rendemento Educativo, lideran os resultados de Conciencia medioambiental, onde os alumnos galegos obteñen 533 puntos, superando en 23 puntos os 510 do Estado, o que a coloca como a primeira de España.
Román Rodríguez felicitou ao profesorado e ao alumnado pola calidade das iniciativas presentadas, asegurando que "Salnés Ciencia demostra o potencial creativo, investigador e comprometido dos nosos centros" e subliñou que "este tipo de feiras contribúen a orientar vocacionalmente ao alumnado e a poñer en valor o que se fai nas aulas a través de metodoloxías activas e prácticas".
Dez centros da comarca
A Feira Salnés Ciencia aposta por fomentar a aprendizaxe colaborativa, o intercambio de experiencias e o achegamento da ciencia á realidade do alumnado. Os centros participantes son o Colexio CEIP A Escardia, o Colexio CEIP San Tomé, o Colexio Salesianos A Mercé, o CPI Domingo Fontán, o CPI Mosteiro Meis, o IES A Basella, o IES Armando Cotarelo Valledor, o Instituto IES Castro Alobre, o Instituto IES da Illa de Arousa e o Instituto IES Ramón Cabanillas.
Durante a xornada, os asistentes poden participar en demostracións de robótica, impresión 3D, corte láser, refracción da luz, experimentos químicos e outras propostas científicas. Esta feira constitúe unha mostra do compromiso da Xunta de Galicia co impulso da educación STEM e coa promoción dunha aprendizaxe conectada cos desafíos actuais e o desenvolvemento sostible.
