A Xunta participa na simulación dun incendio nivel 2 no Concello de Arbo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Emerxencias e Interior, Santiago Villanueva, e o delegado territorial da Xunta en Pontevedra, Agustín Reguera, participaron no exercicio realizado nunha zona afectada recentemente polos lumes
- Tomouse como base para as manobras un incendio rexistrado na serra de Arbo 2016
- O exercicio permitiu avaliar a resposta coordinada dos diferentes corpos e servizos aplicando os plans de emerxencia correspondentes ante un lume de rápida evolución
Estas imágenes pertenecen a Página Oficial de la Xunta de Galicia
Arbo (Pontevedra), 6 de xuño de 2025
O director xeral de Emerxencias e Interior, Santiago Villanueva, e o delegado territorial da Xunta en Pontevedra, Agustín Reguera, participaron no simulacro de Activación do Plan especial de Protección Civil ante emerxencias por incendios forestais en Galicia (Peifoga) e o seu paso a situación 2 por un lume de alta intensidade e con afectación á poboación e a vivendas.
A simulación realizouse na serra de Arbo, nunha zona que xa sufriu grandes incendios forestais con afectación á poboación, o último no ano 2022. En concreto, neste exercicio recreouse unha situación de emerxencia similar á do incendio de 2016, que afectou a varias parroquias da contorna, co obxectivo de avaliar a resposta coordinada dos diferentes corpos e servizos aplicando os plans de emerxencia correspondentes. Deste xeito, ademais de comprobar a operatividade do Peifoga serve para probar a súa coordinación co Plan de Prevención e Defensa contra os Incendios Forestais de Galicia (Pladiga).
O simulacro permite ademais adestrar os sistemas de comunicación, as medidas de autoprotección dos propios efectivos, a xestión e coidados da poboación afectada e, sobre todo, testar as tarefas asignadas aos distintos grupos operativos e grupos de control.
Detalles do simulacro
O simulacro comezou ás 10,00 horas, aínda que para os efectivos participantes son as 20,30 horas dun 10 de agosto, coa alerta inicial dun lume na parroquia de Mourentán. O escenario foi escalando dende as actuacións iniciais do Peifoga, coa solicitude de medios ou o establecemento do Punto de Recepción de Medios e as primeiras manobras; ata a declaración de situación operativa 2 polo incremento do risco para persoas e vivendas dos núcleos de A Rocha e Godón. Nese momento, as actuacións céntranse na a atención á poboación afectada, a organización e coordinación dos novos medios necesarios e a constitución do Posto de Mando Avanzado.
O simulacro rematou logo da chegada dos últimos medios desa xornada, das explicacións do que se está a facer, así como da planificación para continuar abordado esta emerxencia.
Medios participantes
No exercicio participaron sete técnicos e axentes forestais, seis brigadas, un batracio e cinco motobombas da Consellería do Medio Rural, así como bombeiros de Ponteareas, Mos e efectivos voluntarios do municipio portugués de Melgaço.
No que se refire ao apoio sanitario, loxístico e de seguridade colaboraron unha ambulancia asistencial do 061 ademais de efectivos das forzas e corpos de seguridade -Unidade de Policía Nacional Adscrita a Galicia (UPA) e Garda Civil- e as agrupacións de voluntarios de Protección Civil de Oitavén-Tea e Ponteareas.
Tamén participaron na organización do simulacro para axudar na posta en marcha en escena e expoñer diferentes cuestións axentes do Equipo de Prevención Integral de Incendios Forestais de Pontevedra.
