A Xunta recibe 14 ofertas para executar a conservación das autoestradas AG-53 e AG-54 nos vindeiros 4 anos, cun investimento de máis de 9,1M€
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Trátase de seguir garantindo os traballos de conservación ordinaria e de vialidade na autoestrada Dozón-Ourense (AG-53) e no seu ramal ao Carballiño (AG-54)
- O contrato inclúe as actuacións destinadas a garantir a circulación dos vehículos nesta vía en condicións axeitadas de seguridade e fluidez
- O programa tamén abrangue os labores de conservación para manter en boas condicións os elementos da vía e corrixir carencias que dificulten a funcionalidade
Estas imágenes pertenecen a Página Oficial de la Xunta de Galicia
Santiago de Compostela, 5 de xuño de 2025
A Xunta vén de recibir 14 ofertas para executar o contrato de conservación e mantemento das autoestradas Dozón-Ourense (AG-53) e do seu ramal cara ao Carballiño (AG-54) para os vindeiros 4 anos, cun orzamento de máis de 9,1M€.
Este servizo inclúe as tarefas de conservación ordinaria e de vialidade invernal nestas vías de alta capacidade de titularidade autonómica.
Os traballos a realizar polo adxudicatario contemplan tarefas de vialidade destinadas a facilitar a circulación dos vehículos nesta vía en condicións axeitadas de seguridade e fluidez.
O contrato tamén abrangue as actividades de conservación ordinaria dirixidas a manter en boas condicións as características funcionais ou estruturais dos elementos da estrada e a corrixir os impactos negativos que poidan dificultar a correcta realización da súa función.
Cómpre destacar entre as actividades de conservación extraordinaria que está previsto realizar neste novo contrato, a renovación de cerramento das vías, que se fará segundo necesidade, tras unha revisión exhaustiva do estado da actual.
Ademais, está previsto renovar a planta de fabricación de salmoira, a instalación dun novo silo para vialidade invernal no Alto de San Martiño, e a realización de revisións exhaustivas e reparacións de pantallas acústicas, de pantallas antivandálicas e dos marcos de delimitación da zona de dominio público, segundo se detecten deficiencias.
