Galicia avanza na certificación forestal e consolídase como segunda autonomía en superficie co selo PEFC
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Consellería do Medio Rural reuniuse con directivos deste sistema, un dos certificadores de xestión sustentable do monte máis empregados no mundo
- A nosa comunidade liderou o ano pasado o crecemento en España, con 43.000 hectáreas certificadas máis e xa está a piques de conseguir o obxectivo marcado polo Plan Forestal de Galicia para o ano 2035, situado nas 500.000 ha
Estas imágenes pertenecen a Página Oficial de la Xunta de Galicia
Santiago de Compostela, 5 de xuño de 2025
A Xunta mantén un compromiso activo a prol da certificación forestal, que se plasma en feitos como o de situar a Galicia no segundo posto nacional por superficie baixo o selo PEFC, con arredor de 483.000 hectáreas certificadas (ao peche do 2024), un dato só superado por Castela e León.
Así o destacou o director xeral de Planificación e Ordenación Forestal da Consellería do Medio Rural, José Luis Chan, tras manter unha xuntanza con directivos deste sistema, un dos certificadores de xestión forestal sostible máis empregados no mundo, con 297 millóns de hectáreas amparadas e 2,8 millóns en España. Na reunión participaron Ana Belén Noriega, directora xeral de PEFC España, e Enrique Valero, de PEFC Galicia.
Cómpre salientar que, coa devandita cifra, a nosa comunidade xa está a piques de conseguir o obxectivo marcado na primeira revisión do Plan Forestal de Galicia 2021-2040 "Cara a neutralidade carbónica" no horizonte do 2035. Así, este documento de planificación establece no seu Eixo VI o obxectivo de acadar as 500.000 hectáreas certificadas no devandito ano. Este importante incremento na ordenación de montes rexistrada nos últimos anos viuse apoiada polas axudas da Consellería do Medio Rural.
Asemade, a nosa comunidade liderou o ano pasado o crecemento en España, con 43.000 hectáreas certificadas máis. Da superficie total acadada en Galicia, 164.000 ha corresponden a montes xestionados pola Xunta. Estes terreos son na súa maioría montes veciñais en man común que teñen subscrito un convenio ou consorcio coa Consellería do Medio Rural. Para acadar esta certificación é imprescindible dispoñer dun instrumento de xestión (proxecto de ordenación) aprobado.
O encontro serviu tamén para avaliar a situación actual e as perspectivas de futuro do sector forestal, en particular no que atinxe ao emprego de novas tecnoloxías, así como para analizar as implicacións para Galicia do Regulamento europeo sobre deforestación da madeira. Así mesmo, expúxose por parte dos responsables de PEFC o resultado da súa recente xunta directiva e asemblea xeral, celebrada en Valencia.
