Rueda salienta o liderado de Galicia en distintivos de calidade ambiental con 137 bandeiras azuis
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Subliña que este verán será especialmente significativo, xa que o 1 de xullo culminará o proceso de traspaso da xestión do litoral á Xunta de a Galicia
- Entre as novidades desta convocatoria figuran a praia de Mende, en Vigo, que recibe o distintivo por primeira vez, ou o Liceo Marítimo de Bouzas, que se incorpora á lista de instalacións deportivas recoñecidas
Estas imágenes pertenecen a Página Oficial de la Xunta de Galicia
Ponteceso (A Coruña), 4 de xuño de 2025
O presidente da Xunta, Alfonso Rueda, salientou hoxe o liderado de Galicia en distintivos de calidade ambiental con 137 bandeiras azuis.
O titular do Goberno galego participou hoxe no acto de entrega das bandeiras azuis en Galicia, onde puxo en valor o "recoñecemento" que supón o distintivo tras un "duro exame e fiscalización", enviando unha "mensaxe de que hai un lugar que paga a pena visitar". Ademais, salientou o traballo que desde hai anos se realiza para garantir a protección do litoral galego, a calidade ambiental e a promoción dun turismo sostible e con identidade propia.
Así, Rueda destacou que a importancia destes distintivos vai máis aló do seu valor simbólico, representando un recoñecemento ao labor dos concellos, dos equipos de limpeza e seguridade, así como da cidadanía, que "coida e se preocupa" polos recursos naturais.
Na edición deste ano, Galicia volve situarse entre as Comunidades Autónomas con máis bandeiras azuis do Estado, cun total de 137 distintivos: 108 en praias, 12 en portos deportivos e 17 en centros azuis. A estes súmanse 54 sendeiros azuis recoñecidos no primeiro trimestre do ano, o que supón un total de 191 galardóns, dous máis que en 2024. Con estas cifras, Galicia mantense como a terceira Comunidade con máis bandeiras e lidera a nivel estatal o número de rutas azuis, que suman preto de 400 quilómetros.
O xefe do Executivo autonómico destacou tamén as novas incorporacións nesta edición, como a praia de Mende, en Vigo, que recibe o distintivo por primeira vez, ou o Liceo Marítimo de Bouzas, que se incorpora á lista de portos deportivos recoñecidos. Ademais, engádense dous novos centros azuis: o Museo do Mar de Sorrizo (Arteixo) e o Visor Nautilus, nas instalacións da Autoridade Portuaria de Vigo.
Rueda subliñou que este verán será "especialmente" significativo, xa que o 1 de xullo culminará o proceso de traspaso das funcións e servizos para a xestión do litoral á Xunta de Galicia, o que permitirá unha actuación directa, ordenada e sustentable da costa, con garantías de emprego e seguridade xurídica.
Neste sentido, o presidente sinalou a necesaria colaboración cos concellos, unha "responsabilidade compartida" na mellor xestión do litoral, e afirmou que as bandeiras son un símbolo desa tarefa colectiva e da "Galicia Calidade que facemos entre todos".
