Medio Rural aproba os cambios que permiten mellorar a calidade dos viños e incorporar novas variedades principais na Denominación de Orixe Ribeiro
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Diario Oficial de Galicia publica hoxe a resolución que oficializa a modificación do prego de condicións desta denominación de orixe
- A inclusión de novas variedades e o axuste nos rendementos busca preservar o patrimonio e elevar o nivel dos viños desta zona
Estas imágenes pertenecen a Página Oficial de la Xunta de Galicia
Santiago de Compostela, 4 de xuño de 2025
O Diario Oficial de Galicia (DOG) publica hoxe a resolución da Axencia Galega da Calidade Alimentaria pola que se aproba unha modificación do prego de condicións da Denominación de Orixe (DO) Ribeiro, coa que se busca unha mellora da calidade e da especificidade dos viños acollidos a este indicativo.
Así, inclúense catro variedades de uva como principais, dúas delas tintas (Merenzao e Espadeiro) e dúas brancas (Branco Lexítimo e Albilla do Avia). Todas as variedades teñen unha larga tradición de cultivo na comarca do Ribeiro, onde existen cepas centenarias. A súa inclusión permite unha maior oferta dos viños da denominación, o que posibilita unha mellor presenza no mercado e a conservación do patrimonio que estas variedades representan.
Polo que se refire á inclusión da variedade Albilla do Avia -autóctona do Val de Avia- hai que indicar que durante moito tempo foi erroneamente identificada coa Albillo, malia que esta última non se cultiva na zona. En 2021, a variedade nativa do Val obtivo o recoñecemento oficial, motivo polo cal se retirou a Albillo da lista de castes autorizadas e se incorporou a primeira como variedade principal.
Na mesma liña de mellora, introdúcense restricións ao uso de determinadas variedades, concretamente Palomino, Garnacha tintorera e Tempranillo. Desta forma, estas castes non poderán ser empregadas para novas plantacións ou replantacións sobre as xa existentes. Porén, permítese a reposición puntual de cepas que fallen con plantas da mesma variedade en viñedos xa establecidos.
Réxime de rendementos máximos
Ademais, para promover unha maior calidade do produto final, modifícase o réxime de rendementos máximos de uva por hectárea. Mantéñense os límites actuais de 13.000 kg/ha para as variedades principais brancas e de 12.000 kg/ha para as tintas, sen importar o tipo de viño que se elabore.
Para as variedades secundarias brancas mantense o límite de 19.000 kg/ha, mentres que para as tintas redúcese lixeiramente, de 19.000 a 18.000 kg/ha. Antes, se as uvas principais non se destinaban a determinados tipos de viño (como Ribeiro castes, barrica, espumoso ou tostado), permitíase un rendemento maior de ata 19.000 kg/ha. Esta excepción eliminouse, e os límites aplicaranse en todos os casos. Estes rendementos axústanse tamén en función da densidade de plantación.
En canto ás campañas excepcionais, nas que se permite un aumento dos rendementos produtivos máximos de ata un 25 % debido ás condicións meteorolóxicas do ano, establécese que esta posibilidade quedará reservada unicamente ás variedades principais. As secundarias, polo tanto, quedarán excluídas deste tipo de incremento excepcional.
