A Xunta inviste máis de 60.000 euros na pavimentación dos camiños da Cernada e Abelleira, no concello das Neves
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Plan Marco deste ano deixou na comarca do Condado-Paradanta máis de 450.000 euros
- A convocatoria deste ano conta cun orzamento de máis de 3,2 millóns para o total da provincia de Pontevedra
Estas imágenes pertenecen a Página Oficial de la Xunta de Galicia
As Neves, 2 de xuño de 2025
O delegado territorial da Xunta en Pontevedra, Agustín Reguera, visitou esta mañá, acompañado polo alcalde das Neves, Jose Manuel Alfonso, o resultado das obras de pavimentación do camiño da Cernada, en Ribarteme, e Abelleira, na zona de Batallás.
As obras, que foron posibles grazas ao Plan Marco 2024-2025 da Consellería de Medio Rural e contaron cun orzamento de máis de 60.000 euros, permitiron mellorar a seguridade viaria e a comodidade dos veciños e veciñas da zona.
Cabe destacar que o ano pasado levouse a cabo unha actuación similar neste concello grazas ao Plan Marco 2023-2024, que, co mesmo orzamento, permitiu repavimentar o camiño de Chan de Vide, o camiño do cemiterio de Rubios e o camiño da Aldea.
O Plan Marco 2024-2025 deixará na na comarca do Condado-Paradanta máis de 450.000 euros en investimentos que permitirán, ademais das obras citadas, mellorar camiños municipais en Bueixos e As Grades (Achas), no concello da Cañiza; ampliar o vial de Arbo a Vilar as Laxas, no concello de Arbo; mellorar a pavimentación do vial Costa, no concello de Mondariz; mellorar un camiño en Paradela, en Crecente; mellorar a pavimentación nos barrio de San Pedro, en Mondariz-Balneario; pavimentar camiños en Fofe, Covelo e Maceira, no concello de Covelo; e pavimentar e mellorar un camiño en Xinzo, no concello de Ponteareas.
Reguera destacou a importancia destas axudas que "permiten manter unhas infraestruturas indispensables para a preservación da calidade de vida do rural e son un exemplo de como a colaboración entre institucións mellora a vida e a comodidade de todos os galegos e galegas".
O Plan Marco 2024-2025 conta cun orzamento para a provincia de Pontevedra de máis de 3,2 millóns de euros.
