A Xunta participa en Santa Coloma de Gramenet nun emotivo acto de celebración das Letras Galegas con especial homenaxe ás cantareiras
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O evento, celebrado baixo o lema Co corazón en galego e as mans cheas de solidariedade, reuniu a centos de persoas da colectividade galega, coa participación de distintos grupos musicais en homenaxe á lingua e á cultura propia de Galicia
Santiago de Compostela, 31 de maio de 2025
A directora xeral de Formación e Cualificación para o Emprego, Zeltia Lado, participou este sábado no acto cultural As Nosas Letras Galegas: Cultura, Identidade e Solidariedade, organizado pola entidade Airiños da Nosa Galicia no Teatre Sagarra de Santa Coloma de Gramenet. O evento, celebrado baixo o lema "Co corazón en galego e as mans cheas de solidariedade", reuniu a centos de persoas da colectividade galega e contou coa participación de distintos grupos musicais que interpretaron temas en galego en homenaxe á lingua e á cultura propia de Galicia.
Durante a súa intervención, Zeltia Lado destacou o labor da colectividade galega en Cataluña como "embaixadora da nosa cultura e dos nosos valores culturais" e agradeceu o traballo de Airiños da Nosa Galicia por manter viva a tradición musical e o compromiso social a través dunha iniciativa que puxo en valor a figura das cantareiras galegas, verdadeiras transmisoras da cultura popular. A directora xeral fixo tamén unha referencia especial á figura de Castelao, con motivo do 75 aniversario do seu pasamento, lembrando que "cultura e compromiso van sempre da man".
O evento incluíu dúas exposicións abertas ao público: As Nosas Pandereteiras, con material recompilado pola profesora Cote, e Castelao, unha mostra gráfica asinada por Siro promovida pola Xunta de Galicia no marco do Ano Castelao. A Xunta reafirmou así o seu compromiso coa colectividade galega fora da comunidade, apoiando actividades que contribúan á difusión da lingua, a cultura e os valores da Galicia universal.
