A Xunta alerta das estratexias que disfrazan os efectos nocivos da nicotina con vapeadores de cores rechamantes e debuxos animados
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Consellería de Sanidade ultima os trámites para aprobar en Consello da Xunta e elevar ao Parlamento unha lei que equipare as prohibicións dos vapeadores ao tabaco tradicional
- Os cigarros electrónicos, teñan ou non nicotina, sempre conteñen substancias químicas tóxicas que poden causar dano a pulmóns e outros órganos
- O último ano 3.080 persoas remataron con éxito o programa de cesación tabáquica que se ofrece nos centros de saúde
Estas imágenes pertenecen a Página Oficial de la Xunta de Galicia
Santiago de Compostela, 30 de maio de 2025
A Consellería de Sanidade, con motivo do Día Mundial sen tabaco que se conmemora o 31 de maio, chama a atención sobre as tácticas enganosas das industrias do tabaco que maquillan produtos nocivos para que parezan inofensivos.
Estas estratexias están especialmente dirixidas á xuventude, xa que os novos vapeadores se presentan con sabores que lembran as lambetadas, envases con cores rechamantes e mesmo debuxos animados.
A Dirección Xeral de Saúde Pública, no marco do seu compromiso coa protección da saúde da infancia e da mocidade, ten consolidadas as redes galegas de praias, parques e portos sen fume coas que desnormalizar o consumo de tabaco en espazos públicos.
Ademais, proximamente a Consellería de Sanidade elevará ao Consello da Xunta o proxecto de lei de protección da saúde das persoas menores e e prevención das condutas adictivas que será remitida ao Parlamento para a súa aprobación definitiva.
Esta nova regulación contempla a equiparación dos vapeadores ao tabaco, polo que o seu consumo por menores pasará a estar prohibido.
É importante ter en conta que os cigarros electrónicos, teñan ou non nicotina, sempre conteñen substancias químicas tóxicas como o formaldehído, o acetaldehído e a acroleína, que poden causar dano a pulmóns e outros órganos.
Axuda para deixar de fumar
O Plan Inspira Saúde 2023-2027 da Consellería de Sanidade inclúe apoio para deixar de fumar. Calquera persoa pode solicitar axuda ao seu médico de familia para participar nos programas de cesación tabáquica.
No primeiro ano, en 2023, foron 1.949 as persoas que conseguiron rematar o programa con éxito na sanidade pública. En 2024, a cifra de persoas que abandonaron o tabaco ao acudir ao seu centro de saúde ascendeu a 3.080.
