A Xunta afirma que Galicia quere estar na primeira poxa de eólica mariña que convoque o Goberno porque, de non facelo, perdería unha oportunidade única
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Planificación Enerxética e Minas, Pablo Fernández Vila, acompañado pola delegada territorial da Xunta en Ferrol, Martina Aneiros, interveu hoxe na xornada Enerxías mariñas, unha grande oportunidade para Galicia, organizada por Cluergal
- Esta postura é coherente coa defensa que vén facendo a Xunta de Galicia dunha eólica mariña compatible coa actividade pesqueira, remarca
Estas imágenes pertenecen a Página Oficial de la Xunta de Galicia
Ferrol, 30 de maio de 2025
O director xeral de Planificación Enerxética e Minas, Pablo Fernández Vila, asegurou hoxe que "Galicia quere estar na primeira poxa de megavatios de eólica mariña" que se convoque en España porque, de non facelo, dixo, "perdería unha oportunidade única" para posicionarse "á vangarda desta tecnoloxía".
Fernández Vila, acompañado pola delegada territorial da Xunta en Ferrol, Martina Aneiros, interveu hoxe na xornada Enerxías mariñas, unha grande oportunidade para Galicia, organizada polo clúster de enerxías renovables, Cluergal, onde puntualizou que esta postura é coherente coa defensa que vén facendo a Xunta de Galicia dunha eólica mariña compatible coa actividade pesqueira: "Defender esta postura non está en contra do que levamos meses e anos dicindo: que debemos desenvolver a eólica mariña garantindo a coexistencia e compatibilidade co medio mariño e coas actividades existentes", dixo.
"A eólica mariña pode traccionar toda a cadea de valor da industria, pode atraer riqueza, xerar postos de traballo e atraer investimentos", engadiu, "pódense xerar sinerxías coas actividades preexistentes como o sector pesqueiro", mantendo o rigor técnico, abondou.
O director xeral de Planificación Enerxética lamentou que España leva "case tres anos de atraso na folla de ruta do desenvolvemento da eólica mariña", logo de que en 2023 se aprobaran ao Plans de ordenación do espazo marítimo (POEM) e, posteriormente, o decreto que regula a produción de enerxía eléctrica a partir de instalacións situadas no mar.
Un decreto, lembrou Fernández Vila, que non tivo en conta as alegacións presentadas pola Xunta e consensuadas no seo do Observatorio de Eólica Mariña de Galicia nas que se solicitaba que se incluísen compensacións aos sectores afectados, ou que na baremación dos factores a ter en conta para outorgar o dereito a tramitar estes proxectos, que os criterios sociais e ambientais -non só económicos- tiveran unha ponderación maior.
Con todo, proseguiu, con independencia de que iso non se aceptara, "a realidade é que desde o Ministerio dixeron que o desenvolvemento das poxas tería lugar naqueles territorios onde houbese unha maior vontade de instalar a eólica mariña, e a Xunta de Galicia dio claramente: Galicia quere estar nesa primeira poxa", remarcou.
O director xeral concluíu poñendo en valor que os recursos naturais son un dos principais activos que ten Galicia; neste caso, tanto no que é enerxía undimotriz como eólica mariña.
Na mesma liña, cómpre salientar a importancia de que o Goberno reforce a rede de transporte eléctrico para impulsar o desenvolvemento enerxético de Galicia.
