A Xunta pon en valor en Madrid os espazos naturais galegos que forman parte da Reserva Ecoturista da España Verde
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director de Turismo de Galicia presentou a proposta de bens naturais de Galicia que integra este novo produto no que se involucran máis de cen empresas
Estas imágenes pertenecen a Página Oficial de la Xunta de Galicia
Madrid, 28 de maio de 2025
A Reserva Ecoturista da España Verde bota a andar en Madrid. A presentación oficial deste novo produto turístico, chamado a ser referente en ecoturismo e sostibilidade, realizouse esta mañá en Madrid, despois de que a pasada semana fose avanzado nun acto en Santiago. Esta ruta de ecotouring percorre 25 espazos naturais protexidos, gran parte deles Reserva da Biosfera da UNESCO, e implica a 385 axentes de diversa natureza, entre empresas turísticas, axentes locais e administración, a través de 114 experiencias de distinto tipo.
O evento contou coa presenza do director de Turismo de Galicia, Xosé Merelles, e da directora xeral de Patrimonio Natural, Marisol Díaz da Consellería de Medio Ambiente e Cambio Climático. Xosé Merelles foi o encargado de presentar o tramo da Reserva Ecoturista en Galicia e poñer en valor os seis espazos da Comunidade: a Reserva da Biosfera Mariñas Coruñesas e Terras do Mandeo; o Parque Nacional marítimo-terrestre das Illas Atlánticas de Galicia; a Reserva da Biosfera Ribeira Sacra e Serras do Oribio e Courel; o Xeoparque Mundial da UNESCO Montañas do Courel; a Reserva da Biosfera Ancares Lucenses e Montes de Cervantes, Navia y Becerreá; e a Reserva da Biosfera Río Eo, Oscos e Terras de Burón.
Dentro da marca España Verde, a Reserva Ecoturista nace no marco do grupo de traballo creado en 1989 entre as comunidades autónomas de Galicia, Asturias, Cantabria e Euskadi coa colaboración de Turespaña. En concreto, a iniciativa desenvólvese como parte do proxecto Corredor de Ecoturismo, dotado con 938.000€ dos fondos Next Generation da Unión Europea.
Reserva Ecoturista en Galicia
"A través destes seis espazos poden realizarse 32 experiencias temáticas distintas", segundo explicou Xosé Merelles, que van desde observación astronómica ou ornitolóxica a rutas de fotografía. Para o desenvolvemento da iniciativa contouse coa participación de 12 axentes locais, entre eles Turismo de Galicia, e implicouse a un total de 114 empresas, entre firmas de actividades de ecoturismo, aloxamentos, restauración e outras compañías.
Na súa presentación, Merelles destacou a vontade deste novo producto de "poñer en valor a privilexiada contorna natural coa que contamos no norte do noso país e que percorre desde algunhas das cimas máis elevadas da Península ao litoral costeiro cantábrico e atlántico". Para o director da Axencia, "a creación da Reserva Ecoturista marca un novo fito na nosa axenda de traballo co desafío que supón xestionar o produto temático de ecoturismo máis relevante de España. Un proxecto exemplar no que se refire a sostibilidade", sinalou.
Merelles abundou no aporte desta proposta turística como unha mostra da busca de "novas apostas que permitan diversificar a oferta de turismo creando experiencias singulares, que saiban posicionarnos fronte a outras rexións", e concluíu destacando o traballo "exemplar" da España Verde.
