A Xunta completa o trámite de solicitude formal para a inscrición da Folla Redonda como variedade comercial
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A conselleira do Medio Rural, María José Gómez, avanzou hoxe en Ribadumia que o seu departamento xa trasladou esta petición ao Ministerio de Agricultura, Pesca e Alimentación
- Puxo esta actuación como exemplo da colaboración técnica e económica que o Goberno galego presta ao sector vitivinícola e que se plasma en diferentes medidas de fomento e promoción, así como na investigación e a transferencia de coñecemento
Estas imágenes pertenecen a Página Oficial de la Xunta de Galicia
Ribadumia (Pontevedra), 21 de maio de 2025
A Consellería do Medio Rural completou o trámite da solicitude formal da inscrición da Folla Redonda como variedade vitivinícola comercial e entregou o material vexetal requirido para que desde o Ministerio de Agricultura, Pesca e Alimentación se inicien os ensaios oficiais concluíntes para o seu correspondente rexistro.
Así o trasladou hoxe a conselleira do Medio Rural, María José Gómez, na súa visita á Estación Experimental de Viticultura e Enoloxía de Ribadumia, na que estivo acompañada polo director xeral da Axencia Galega da Calidade Alimentaria, Martín Alemparte, polo delegado territorial da Xunta en Pontevedra, Agustín Reguera, e polo alcalde da localidade, David Castro.
Neste sentido, por parte desta Estación experimental xa se completou a caracterización xenética e realizouse ademais a avaliación sanitaria do material vexetal desta caste, o que permitiu completar o procedemento de solicitude formal. En todo caso, cómpre advertir tamén que o proceso de inscrición é longo, xa que cómpre ter en conta que as avaliacións oficiais requiren un mínimo de tres ciclos vexetativos, polo que é preciso agardar un período mínimo de tres ou catro anos para a obtención do informe final.
María José Gómez explicou que este é un proceso "complexo, no que participamos a Xunta e o Ministerio e despois participará a Unión Europea, e agardamos que dea os seus froitos". Considerou ademais "de xustiza" que esta variedade se recoñeza e comprometeuse a seguir traballando "para que o antes posible chegue ese recoñecemento".
A conselleira enmarcou estes traballos no apoio que se presta ao sector por parte da Xunta a través desta estación experimental, en eidos como os da investigación e a transferencia de coñecemento. Asemade, a titular de Medio Rural reiterou o compromiso xeral do Goberno galego con este ámbito produtivo clave do noso rural, que se plasma en diferentes medidas de fomento e promoción.
Axudas ao sector do viño
Nesta liña, cabe sinalar as axudas para a reestruturación e reconversión de viñedo, dotadas na última convocatoria (publicada recentemente) con 4 millóns de euros; as achegas para a promoción do viño galego en mercados de terceiros países, que este ano contan cun orzamento de 1,7 millóns ou as subvencións destinadas a apoiar a elaboración e comercialización de produtos vitivinícolas, que supoñen un montante total de 4,5 millóns.
A maiores, cómpre salientar que a Xunta dispón dunha planificación creada de xeito específico para este ámbito produtivo, como é a Estratexia de dinamización territorial e turística das comarcas vitivinícolas, elaborada da man do sector para potenciar ao máximo a inmensa riqueza que representa o viño para a nosa comunidade, remarcou.
