O Colexio Rural Agrupado A Lagoa, de Salvaterra de Miño, estrea nova biblioteca polo seu 25 aniversario
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A directora xeral de Ordenación e Innovación Educativa felicita á comunidade educativa e destaca o dinamismo deste espazo, no que a Xunta investiu máis de 5.000€
Estas imágenes pertenecen a Página Oficial de la Xunta de Galicia
Salvaterra de Miño (Pontevedra), 20 de maio de 2025
A directora xeral de Ordenación e Innovación Educativa, Judith Fernández, felicitou hoxe á comunidade educativa do Colexio Rural Agrupado CRA A Lagoa, en Salvaterra de Miño, polo seu 25 aniversario. Fíxoo no acto de apertura da nova e ampliada biblioteca do centro, impulsada no marco da celebración desta conmemoración.
A representante da Consellería de Educación, Ciencia, Universidades e FP puxo en valor o dinamismo do colexio arredor da biblioteca. Non en balde, está integrada desde o curso 2020/21 no Plan de mellora de bibliotecas escolares, programa co que o Goberno galego investiu nos últimos anos máis de 5.000€ no centro. Cómpre destacar que, ademais da biblioteca central, cada unha das escolas ten a súa propia biblioteca con libros e material creativo, ademais dunha colección itinerante entre aulas.
A nova biblioteca do CRA A Lagoa está dotada de libros, xogos, material tecnolóxico e de experimentación. O obxectivo é converter este espazo nun laboratorio de aprendizaxe e descubrimento para os nenos do centro, na liña do espírito do Plan Lía, (Lectura, Información e Aprendizaxe), a folla de ruta da Xunta na que se enmarcan todos os programas de bibliotecas escolares.
