Lete informa ao Congreso das medidas tomadas en Galicia en prol da carreira dual e da protección social dos deportistas
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O secretario xeral para o Deporte reivindicou o modelo galego con fitos como a Oficina de Atención ao Deportista durante a súa participación na subcomisión que ten como obxectivo á creación do futuro Estatuto do Deportista
Estas imágenes pertenecen a Página Oficial de la Xunta de Galicia
Madrid, 20 de maio de 2025
O secretario xeral para o Deporte, José Ramón Lete Lasa, participou na mañá de hoxe na subcomisión do Estatuto do Deportista no Congreso dos Deputados, onde reivindicou as medidas tomadas pola Xunta en prol da carreira dual e da protección social dos deportistas co propósito de que as experiencias de éxito levadas a cabo na comunidade poidan inspirar á norma estatal que regulará os dereitos e deberes laborais dos deportistas do país.
O mandatario galego destacou algunhas actuacións dirixidas aos 1.500 deportistas galegos de alto nivel recoñecidos como a Oficina de Atención ao Deportista que, en 2024, asinou un convenio coas tres universidades galegas para compatibilizar os estudos co adestramento e a práctica deportiva. Ademais, a Xunta forma parte dunha rede de investigación nacional que traballa para a creación dun modelo de mentoría para estudantes deportistas que permita compaxinar a súa carreira deportiva cos seus estudos. A Consellería de Presidencia, Xustiza e Deportes asinou tamén coa Confederación de Empresarios de Galicia e coa Consellería de Emprego da Xunta senllos convenios para favorecer a inserción laboral dos DGAN así como para desenvolver medidas de apoio ao emprego, ao autoemprego e ao laboral.
Segundo Lete Lasa, "a carreira dual debe estar no corazón do futuro Estatuto do deportista, respondendo á necesidade de que os deportistas desenvolvan con éxito unha carreira deportiva como parte dunha traxectoria profesional, en combinación coa formación e o traballo, así como outros ámbitos importantes en diferentes etapas da vida".
No que atinxe á protección social dos deportistas, Lete Lasa apuntou cara a obriga da cotización á Seguridade Social de todos os deportistas autónomos ou profesionais, así como a obriga ds clubs, federacións ou entidades deportivas de proceder á necesaria contratación, garantíndose unha protección social integral para os deportistas onde se contemplen as prestacións por cesamento de actividade, xubilación, incapacidade... Neste sentido sinalou o posible establecemento de bonificacións e reducións para o contrato indefinido ou temporal dirixidos a ámbitos e colectivos específicos entre os que se puidese contemplar aos deportistas como unha solución para a situación laboral de moitos dos deportistas.
O deporte, dixo, "é un indubidable motor social, cultural e económico do noso país e a nosa responsabilidade é a de dotarlles dunhas garantías que lles permitan seguir desenvolvéndose para o mellor e maior progreso do conxunto da sociedade".
