A Xunta pon en valor o papel das mulleres na transmisión da poesía popular oral galega entre o alumnado máis novo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A directora xeral de Promoción da Igualdade destacou que é fundamental que as xeracións máis novas coñezan o papel das mulleres en todos os ámbitos sociais e a súa contribución á historia galega
Malpica de Bergantiños (A Coruña), 19 de maio de 2025
A directora xeral de Promoción da Igualdade, María Quintiana, presentou esta mañá ao alumnado do CRA Nosa Señora do Faro a actividade Cantareiras nas Letras que busca dar a coñecer o papel das mulleres homenaxeadas este ano nas Letras Galegas. Alí, puxo en valor o papel das mulleres na transmisión da poesía popular oral galega e tamén destacou a importancia de que as nenas e nenos galegos coñezan referentes femininos claves na cultura galega, como é o caso das cantareiras.
Esta actividade, que forma parte do Plan Proxecta Aprende coas Mulleres Galegas e que conta tamén cunha unidade didáctica e que está percorrendo os centros educativos da Comunidade nos próximos meses. En concreto, esta mañá a actividade celebrouse no centro situado na parroquia de Mens en Malpica, lugar do que eran orixinarias algunhas das cantareiras homenaxeadas esta fin de semana polo día das Letras Galegas e que foron clave na transmisión da nosa cultura oral.
Nestes sentido, Quintiana salientou a importancia de amosar ao alumnado como as homenaxeadas coas Letras Galegas deste ano foron as encargadas da produción e preservación de gran parte da nosa poesía oral e tradición popular.
A directora xeral destacou que é fundamental que as xeracións máis novas conecten co patrimonio cultural galego e tamén coñezan o valor das mulleres en todos os ámbitos sociais e a súa contribución á historia de Galicia. Por iso, trasladou o compromiso do Executivo galego para seguir impulsando iniciativas para que as mulleres sigan gañando espazos.
