Medio Rural destaca a Feira de Ano e Festa de San Isidro de Paradela como escaparate do sector primario galego
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A titular deste departamento asistiu esta mañá a este evento, que conta cunha feira de gando e de maquinaria agrícola
- Destacou a aposta do Executivo autonómico para impulsar este eido e referiuse ás liñas de achegas para os plans de mellora de explotacións e para fomentar a remuda xeracional no agro, apoiando a incorporación de novos agricultores
- Lembrou tamén as achegas para a utilización de maquinaria agrícola en réxime asociativo, que este ano conta cun orzamento de 2,64 millóns de euros
Estas imágenes pertenecen a Página Oficial de la Xunta de Galicia
Paradela (Lugo), 18 de maio de 2025
A conselleira do Medio Rural, María José Gómez, asistiu esta mañá á XXXIV edición da Feira de Ano e Festa de San Isidro que se celebra ao longo do día de hoxe na localidade lucense de Paradela. Gómez destacou este evento como un escaparate para todas aquelas persoas interesadas no sector primario, tanto para aquelas que teñan vontade de involucrarse nel como para quen teña o obxectivo de melloralo; xa que a cita conta cunha feira de gando e de maquinaria agrícola.
Así, sinalou a importante aposta levada a cabo polo Goberno autonómico para impulsar o sector agrogandeiro galego. Referiuse ás liñas de achegas para os plans de mellora de explotacións e para fomentar a remuda xeracional no agro, apoiando a incorporación de novos agricultores. Dende o ano 2009 financiáronse ao abeiro destas axudas preto de 8.240 plans de mellora, cun investimento de algo máis de 320 millóns de euros. Asemade, incorporáronse uns 5.000 mozos e mozas a través dun investimento de case 161 millóns de euros.
María José Gómez destacou tamén as achegas para o fomento da utilización de maquinaria agrícola en réxime asociativo, que este ano conta cun orzamento de 2,64 millóns de euros. Esta liña está destinada a cooperativas agrarias e sociedades de transformación e teñen unha repercusión moi positiva á hora de reducir os seus custes de produción.
O obxectivo é promover o uso de maquinaria e equipamentos de carácter agropecuario en réxime asociativo e fomentar a produción de novas tecnoloxías no seu emprego. Estas achegas convócanse anualmente dende 2016 o que supuxo unha achega total de máis de 34 millóns de euros.
