Lorenzana destaca a aposta de Agua de Sousas por seguir ampliando capacidade e tecnoloxía nas súas instalacións
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Indica que a Xunta, a través da Dirección Xeral de Planificación Enerxética e Minas e da Oficina Económica do Igape, está a facer un seguimento do proxecto de ampliación que a empresa ten en marcha
- Cualifícaa como unha empresa familiar que "soubo manterse, fundamentalmente, investindo, innovando e facendo da calidade unha marca propia"
Estas imágenes pertenecen a Página Oficial de la Xunta de Galicia
Verín (Ourense), 16 de maio de 2025
A conselleira de Economía e Industria, María Jesús Lorenzana, destacou hoxe a aposta de Agua de Sousas por seguir ampliando capacidade e tecnoloxía nas súas instalacións, para o cal, dixo, conta con todo o apoio e acompañamento da Xunta de Galicia.
Lorenzana visitou hoxe a planta de embotellamento da empresa en Verín (Ourense), onde informou de que a Administración autonómica, a través da Dirección Xeral de Planificación Enerxética e Minas e da Oficina Económica do Instituto Galego de Promoción Económica (Igape), está a facer un seguimento do proxecto de ampliación que a empresa ten en marcha, cun investimento que ascende a 8,5 millóns de euros.
A conselleira cualificouna como unha empresa familiar "excepcional" que "combina tradición e modernidade", con máis de 165 anos de antigüidade e que "soubo manterse, fundamentalmente, investindo, innovando e facendo da calidade unha marca propia".
Nas súas declaracións, puxo en valor as cifras de crecemento que Agua de Sousas rexistrou o pasado ano, cunha facturación récord de case 8 millóns de euros, o que supón un incremento do 20 % respecto ao ano anterior. Ademais, tamén sinalou que dá emprego a preto de 40 persoas.
"Agardamos seguir acompañando esta empresa no seu crecemento", reiterou. "Estamos colaborando como facemos sempre -subliñou-, desde esa fiestra aberta que é a Oficina Económica de Galicia para todas as empresas, coas que traballamos desde o financiamento como o seguimento técnico dos proxectos".
