Belén do Campo participa nas festas patronais en honra a San Isidro Labrador en Rois
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A festa contou, este ano, cun programa especial no que se rendeu homenaxe a Ramón e Clara Abalo polo seu traballo exemplar no cultivo e coidado das camelias
Rois (A Coruña), 15 de maio de 2025
A delegada da Xunta, Belén do Campo, acompañada do director xeral da PAC e do Control da Cadea Alimentaria, Juan José Cerviño, participou hoxe nos actos centrais das festas patronais en honra a San Isidro Labrador, unha celebración que pon en valor o papel do mundo rural e a importancia da tradición agraria no tecido social e económico da comarca.
A representante do Goberno galego destacou a figura de San Isidro como "un home humilde, que fixo da súa vida unha ofrenda de fe, solidariedade e respecto pola natureza". Así mesmo, lembrou que "celebrar San Isidro é poñer en valor o espírito rural que tanto define a nosa identidade galega."
A festa contou, este ano, cun programa especial no que se rendeu homenaxe a Ramón e Clara Abalo polo seu traballo exemplar no cultivo e coidado das camelias, un dos emblemas naturais máis destacados de Galicia. A delegada cualificou a súa dedicación como "un exemplo de compromiso co patrimonio natural e coa beleza que nace do coidado e do respecto polas plantas".
Tamén destacou a intervención da pregoeira local, María Losada Vázquez, escritora que, no mes de xuño, presentará o seu segundo libro, "El club dos neurodivergentes. Más que todo". A delegada da Xunta puxo en valor "a súa voz literaria e o seu compromiso coa diversidade, a cultura e o pensamento crítico, tan necesarios na sociedade actual".
Durante os actos tamén se fixo entrega do premio ao gañador do concurso do cartel anunciador das festas, Victoriano Trenco, polo seu traballo creativo que soubo captar "o espírito festivo e tradicional desta celebración tan arraigada no corazón da veciñanza".
A Xunta de Galicia reafirma así o seu compromiso co apoio ás festas populares, que son espazos de encontro, convivencia e posta en valor da nosa cultura e do noso patrimonio inmaterial.
