A Xunta respalda ao sector marítimo-pesqueiro ante o atropelo das 87 vedas á pesca de fondo e na PPC do futuro
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Destaca que, mentres o Goberno galego ten un claro compromiso coa soberanía alimentaria e impulsa ambiciosas medidas como o Bono Peixe, o Executivo central segue sen baixar o IVE aos produtos do mar
- Previamente ao acto de peche, Villares asistiu ao ronqueo dun gran exemplar de peixe espada de máis de 100 quilos, realizado por Interfish-España
Estas imágenes pertenecen a Página Oficial de la Xunta de Galicia
Burela (Lugo), 10 de maio de 2025
O conselleiro do Mar, Alfonso Villares, participou este sábado na clausura da 20 edición da Feira Expomar de Burela onde tendeu a man do Goberno galego ao sector nos retos que debe afrontar, e que, en palabras do propio Villares, xiran en torno á esperada resposta do Tribunal Xeral da UE á demanda xudicial presentada pola OPP desta localidade, tralo atropelo provocado polas 87 vedas á pesca de fondo, e á ansiada reforma da Política Pesqueira Común, á que Galicia lle deu forma a través do Decálogo Estratéxico de Galicia, deseñado conxuntamente coa xente do mar.
O obxectivo, segundo apuntou, é seguir traballando a nivel autonómico na propia soberanía alimentaria de Galicia, que pasa por ser capaces de fomentar un bo consumo dos produtos galegos, pois a realidade é que nos fogares españois nunca se consumiu tan pouco, uns 18 quilos por persoa e ano, cantidade que en Galicia sobe aos 25. Por este motivo, o titular de Mar apelou á colaboración institucional e á responsabilidade de todas as administracións como ferramentas para reverter a situación. Neste senso, lamentou que o Executivo central continúe sen baixar o IVE a estes produtos e non active medidas como fixo recentemente a Xunta co Bono Peixe, dotado con 2,5 millóns de euros e que terá un impacto directo en 50.000 galegos.
Villares felicitou á Fundación Expomar pola organización deste evento que converteu a Burela, durante tres días, na luz do presente e no faro do futuro da cadea mar-industria. Este municipio alberga un dos portos pesqueiros de referencia en Galicia e unha das lonxas máis relevantes do país. Así o testemuñan as súas cifras. Só en primeira venda, no que vai de século, movéronse 1.350 M€ e comercializáronse 482 millóns de quilos de peixe e marisco fresco, sendo os protagonistas a pescada e o bonito do norte. Asemade, e tras pechar o exercicio pasado poxando preto de 12 millóns de quilos, a lonxa xa supera no que vai de ano os 18 M€ pola venda de 4 millóns de quilos.
Ronqueo dun peixe espada
Previamente ao acto de clausura, Villares asistiu ao ronqueo dun gran exemplar de peixe espada de mais de 100 quilos de peso, a cargo de Interfish España coa asistencia dos expertos da empresa Matrice Tuna, que explicaron o arte do despece cunha técnica que combina a destreza, o respecto polo produto e o compromiso coa sostibilidade.
Interfish España é a única Organización Interprofesional Pesqueira na que participan empresas da comercialización, a industria e a produción pesqueira para a representación e defensa da tintorera, peixe espada e marraxo. A produción total das tres especies en 2023 foi de 42.000 toneladas. Ten a día de hoxe o 99% de representatividade a nivel nacional da pesqueira de palangre de superficie.
Agrupa os intereses dos seus cinco socios. Catro da rama de produción (OPP-7 Burela, OPP-8 Opromar, OPP-49 Orpagu e OPP-88 Opnapa) e un da rama da transformación e comercialización (Conxemar). A Consellería do Mar asinou diversos convenios de colaboración con esta entidade nos últimos anos, co obxectivo de promocionar os produtos pesqueiros e mellorar a comercialización daquelas especies recoñecidas a esta Organización, por un importe que supera os 400.000 euros.
