Preto dun millar de deportistas participan na Malata no Campionato provincial de atletismo en pista no marco do programa Xogade da Xunta
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A delegada territorial de Ferrol, Martina Aneiros, participou esta mañá na entrega de premios desta competición que se disputou nas categorías benxamín, alevín e infantil
Ferrol, 10 de maio de 2025
A delegada territorial da Xunta en Ferrol, Martina Aneiros, participou esta mañá na Malata na entrega de premios do Campionato provincial de atletismo en pista que se desenvolveu ao abeiro do programa Xogade (Xogos Deportivos Galegos en Idade Escolar) para o curso 2024/2025 que promove a Secretaría Xeral para o Deporte.
Aneiros felicitou ao preto dun millar de participantes nas categorías benxamín, alevín, infantil que disputaron as distintas probas ao longo da xornada e aproveitou a ocasión para animar aos máis pequenos a que continúen coa práctica deportiva de cara a afianzar hábitos de vida saudables.
O programa Xogade agrupa toda a oferta deportiva e lúdica promovida pola Administración galega (escolar e federada) co obxectivo de levar a actividade a todos os concellos e brindarlle á rapazada a posibilidade de practicar e competir cos clubs e centros educativos de toda a comunidade galega.
A de atletismo en pista é unha das 16 modalidades convocadas dentro da actividade deportiva escolar de Xogade este curso xunto ás de dúatlon, bádminton, baloncesto, balonmán, cros, encontros multideportivos, fútbol sala, multixogo 6-8 anos, natación, orientación, patinaxe artístico, tenis de mesa, voleibol, xadrez e xogando co atletismo.
