Gómez Caamaño salienta o potencial investigador do estudantado galego que afondou no sistema nervioso a través do programa 'Reimaxina a Ciencia'
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O alumnado do IES do Castro de Vigo resultou gañador nesta terceira edición cunha peza audiovisual 'Vigo news. Noticias científicas'
- Os estudantes do IES de Pontepedriña (Santiago de Compostela) e o IES de Mos recibiron o segundo premio do certame ex aequo
- Os traballos realizados polo IES Monelos (A Coruña); o IES San Tomé de Freixeiro (Vigo); e o IES Eusebio da Guarda (A Coruña) tamén acadaron a fase final de 'Reimaxina a Ciencia'
- Neste 2025, un total de 1.356 alumnos de 22 centros educativos participaron nas actividades desta iniciativa que busca espertar o interese científico entre a mocidade
Estas imágenes pertenecen a Página Oficial de la Xunta de Galicia
Santiago de Compostela, 6 de maio de 2025
O conselleiro de Sanidade, Antonio Gómez Caamaño, acompañado do xerente da Axencia Galega de Coñecemento en Saúde, Antonio Fernández-Campa, clausurou esta mañá o acto de entrega de premios da terceira edición do programa Reimaxina a Ciencia, no que resultou gañador o traballo Vigo news. Noticias científicas, elaborado polo alumnado do IES do Castro de Vigo.
Os estudantes do IES de Pontepedriña (Santiago de Compostela) e do IES de Mos tamén foron protagonistas nesta edición ao recibir o segundo premio do certame ex aequo . O conxunto de centros finalistas completouse cos traballos polos alumnos do IES Monelos (A Coruña); o IES San Tomé de Freixeiro (Vigo); e o IES Eusebio da Guarda (A Coruña).
Na súa intervención, o conselleiro de Sanidade salientou o potencial investigador do estudantado galego, que afondou no sistema nervioso a través deste programa divulgativo. Ademais, valorou a calidade dos traballos presentados e convidou aos estudantes a formarse nas diferentes especialidades científicas para nutrir Galicia de novos talentos investigadores.
Reimaxina a Ciencia é un programa destinado a levar á aula os contidos máis relevantes sobre como a investigación científica afronta as enfermidades a través da aprendizaxe baseada en proxectos. Para darlle continuidade ás actividades organizadas con motivo do Ano Ramón y Cajal, nesta edición convidouse aos participantes a abordar a investigación científica en enfermidades relacionadas co sistema nervioso. Así, o alumnado participante xerou pezas artísticas audiovisuais vencelladas ao ámbito científico en forma de videoclips musicais, sketchs, monólogos, animacións, etc...
Neste 2025, un total de 1.356 alumnos de 22 centros educativos participaron nas actividades desta iniciativa que busca espertar o interese científico entre a mocidade.
Desde o seu inicio en 2020, o programa Reimaxina a Ciencia contou coa participación de máis de 2.500 alumnos galegos, pertencentes a 62 centros educativos.
Reimaxina a Ciencia é unha iniciativa creada por Novartis e Big Van Ciencia, xunto á Axencia Galega de Coñecemento en Saúde (ACIS), a Fundación Galega de Investigación Biomédica Galicia Sur, a Fundación Galega de Investigación Biomédica (INIBIC) e a Fundación Galega de Investigación Sanitaria (IDIS).
Cada un dos integrantes do equipo gañador foron premiados cun kit de accesorios para fotografía e vídeo, ademais dun set de libros destinados á biblioteca do seu centro educativo, co ánimo de impulsar novas vocacións científicas.
