Villares defende que a calidade e o sabor do berberecho galego sitúan a Galicia nun preferente produtor entre as comunidades costeiras de Europa
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Destaca as posibilidades culinarias e nutritivas deste produto e pon en valor a súa actividade, liderada fundamentalmente por mulleres, e caracterizada polo uso de artes artesanais e sostibles co medio mariño
Estas imágenes pertenecen a Página Oficial de la Xunta de Galicia
Foz (Lugo), 26 de abril de 2025
O conselleiro do Mar, Alfonso Villares, defende que a calidade e o sabor do berberecho das rías galegas sitúan a Galicia como unha das comunidades costeiras máis representantes de Europa na súa produción, representando a unha actividade liderada polas súas mulleres mariscadoras que traballan as zonas intermareais con artes de pesca artesanais e sostibles co medio mariño. En 2024, a primeira venda de berberecho de acuicultura de Galicia chegou a 56.310 quilos, alcanzando un valor de 339.489 euros. No caso das transacións nas lonxas, estas cifras eleváronse o pasado ano aos 440.000 quilos e a un volume de negocio superior aos 3 millóns de euros.
Con esta reflexión, o responsable autonómico pregoou a XXIII edición da Festa do Berberecho, organizada polo Concello de Foz, en colaboración coa Xunta, o IES, ACIA e Sanbet Axencia, e onde puxo o foco na importancia de incentivar o consumo de peixe e marisco pois, no caso do molusco bivalvo exaltado hoxe, contén propiedades antioxidantes, cunha variedade de vitaminas do grupo B e minerais, ademais de ácidos graxos omega-3, beneficiosos para a saúde cardiovascular e cerebral e un baixo contido calórico.
Apoio aos traballadores do mar
Villares expresou a súa gratitude por oficiar o pregón desta cita gastronómica consolidada, xa que contribúe a por en valor o labor dos traballadores do mar, un colectivo co que a Administración autonómica traballa man a man buscando a mellor defensa dos seus intereses, e que aposta pola pesca sostible, superando retos como o cambio climático ou a competencia globalizada.
Pero tamén representa a unha actividade artesanal á que se unen novas técnicas de semente para garantir a sustentabilidade do recurso e loitar contra as mareas vermellas ou os parásitos, e novos métodos de repoboación apoiados pola investigación científica para mitigar os seus efectos adversos e preservar as poboacións e os seus medios naturais.
Epicentro gastronómico
O pregón de Alfonso Villares foi un dos atractivos do amplo programa deste festexo que, grazas á colaboración público-privada, converte a Foz durante esta fin de semana no epicentro da gastronomía do mar galego. E é que esta ría foi durante décadas a principal produtora de berberecho do país.
