Portos de Galicia tramita a concesión para o porto deportivo de Rianxo que prevé 174 prazas de amarre e 470 metros de edificación con módulos prefabricados
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O investimento previsto polo club náutico é de 1,7 millóns de euros e proxéctase a súa execución en dúas fases coordinadas co plan de reordenación da dársena, que inclúe a remodelación das instalacións pesqueiras e mexilloeiras
Estas imágenes pertenecen a Página Oficial de la Xunta de Galicia
Santiago de Compostela, 20 de abril de 2025
A Consellería do Mar, a través de Portos de Galicia, iniciou o trámite de concesión a favor do Club Náutico de Rianxo para a construción e explotación dunhas instalacións náutico deportivas no porto. Esta concesión prevé actuacións por importe de 1,7 millóns de euros.
A concesión contemplará a execución de obras de mellora e ampliación das instalacións coas que se acadarán 174 prazas de amarre e se instalarán 4 módulos de edificación prefabricados cunha ocupación total de 470 metros. Esta edificación a base de módulos permitirá albergar unha cafetería e local social, oficinas, vestiario e o pañol para vela lixeira. O prazo de execución previsto para as obras é de 11 meses e o prazo estimado para a concesión ascenderá a 40 anos.
A remodelación de prazas de pantalán proxéctase por fases. Nunha primeira substituiranse as actuais dúas liñas de pantaláns fondeados con mortos por outras novas que serán pilotadas ao fondo. Esta actuación pretende mellorar a seguridade da instalación e a calidade dos atraques, así como reducir a ocupación total do contorno da instalación aboiante, de xeito que se libere espazo na dársena para pode ampliar os pantaláns para embarcacións mexilloeiras.
Non en van toda a proposta coordínase co anteproxecto de Portos de Galicia para a mellora da operatividade do porto de Rianxo, que contempla a remodelación das instalacións pesqueiras e mexilloeiras. Así, a ampliación de pantaláns deportivos prevista na concesión en trámite, que sumará 40 novas prazas, proxéctase nunha segunda fase.
