Un total de 1.126 universitarios reciben axudas da Xunta para participar no programa Erasmus+
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Por universidades, un total de 494 beneficiarios son estudantes da USC, 370 da UVigo e 262 da UDC, e un 62% das bolseiras son mulleres
- A convocatoria medra un 5% ata os 1,6M€ e enmárcase no programa Galemundo, co que a Consellería de Educación facilita estudos no estranxeiro
Estas imágenes pertenecen a Página Oficial de la Xunta de Galicia
Santiago de Compostela, 20 de abril de 2025
Un total de 1.126 universitarios resultan beneficiarios das axudas convocadas pola Xunta para participar este curso en programas de mobilidade do programa Erasmus+. A Consellería de Educación, Ciencia, Universidades e FP vén de publicar no Diario Oficial de Galicia (DOG) a resolución da convocatoria, que funciona como complemento ás axudas achegadas pola UE para os galegos que participan neste programa de estadías de entre dous e nove meses.
Por universidades, 494 dos beneficiarios son alumnos da Universidade de Santiago de Compostela (USC), 370 da de Vigo (UVigo) e 262 da Coruña (UDC). O 62% das bolseiras son mulleres, un total de 699; mentres que o 38% restantes, 427, son homes. No que atinxe ás ramas de coñecemento, case o 50% dos alumnos beneficiados son estudantes de Ciencias Sociais e Xurídicas, o 15% de Enxeñaría e Arquitectura, o 14% de Ciencias da Saúde, o 12% de Ciencias e o 9% de Artes e Humanidades.
Italia en Polonia, destinos principais
Os países que máis alumnos reciben, igual ca no curso académico anterior, son Italia (263) e Polonia (242). Séguenlle Romanía (82), Portugal (68), Chequia (67) e Francia (45), como países con máis estudantes beneficiarios.
O investimento do Goberno galego nestas axudas supera os 1,6M€, un 5% máis ca no ano anterior. O importe das bolsas oscila entre os 2.255€ e os 445€, en función do país de destino e a duración da estadía. Cómpre destacar que se adxudicou unha contía adicional de 500€ a un total de 540 estudantes cunha estadía igual ou superior a seis meses, comezando polos expedientes con maior nota media ata esgotar o orzamento.
Estas axudas enmárcanse no programa Galemundo, co que a Xunta facilita que 7.000 estudantes e docentes se formen este curso no estranxeiro. O Goberno galego destina este ano máis de 15M€ a esta iniciativa, que aglutina todas as bolsas da Consellería para facilitar viaxes a outros países para mellorar as súas competencias en idiomas.
