Turismo de Galicia promociona a Primavera de Portas Abertas nas redes sociais cunha campaña protagonizada por creadores de contidos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Neste mes de abril estanse a desenvolver unha serie de viaxes de familiarización para ampliar a difusión das Rutas do Viño, achegándoas a figuras relevantes das redes sociais
Estas imágenes pertenecen a Página Oficial de la Xunta de Galicia
Santiago de Compostela, 11 de abril de 2025
Turismo de Galicia avanza na súa estratexia de dar a coñecer os produtos turísticos singulares da comunidade entre persoas creadoras de contido en redes e web e influencers relacionadas co sector. Trátase dunha serie de cinco famtrips que, durante varias fins de semanas de abril, levarán a distintas personalidades do social media a gozar dalgunhas das experiencias da Primavera de Portas Abertas, que durante o mes de maio estarán dispoñibles para o público xeral.
Concretamente, o venres 11 de abril e o sábado 12 estase a realizar a viaxe de familiarización en torno á Ruta do Viño Monterrei. A través desta experiencia, as persoas detrás das contas de Instagram @hacemoslasmaletas, @guisandomelavida e @gallegoviajero poden coñecer a adega Triay mentres se aloxan no Parador de Verín e desfrutan das súas cociñas e das do restaurante O Segredo do Retiro.
As visitas retómanse tras da Semana Santa, o 25 e 26 de abril, unha selección de instagramers que visitará a Ruta do Viño da Ribeira Sacra. Está previsto que participen @petiscosgalegos, @galicia.angibaldrich e @engaliciamorate. O aloxamento será no hotel Mogay, percorrerán a adega Finca Míllara e degustarán os menús dos restaurantes A Faragulla e A Taranxela.
A última das viaxes, 26 e 27 de abril, será para a Ruta do Viño de Valdeorras, que visitarán @animalesviajeros, @curiosi.travel e @losviajesdealifog. A experiencia inclúe a hospedaxe e cea en A Pontevella, así como visita á adega A Coroa e comida no restaurante Cova da Xabreira. Todas as citas inclúen cata dos viños da denominación de orixe correspondente.
Rías Baixas e Ribeiro
A primeira das viaxes de familiarización desenvolveuse o 4 e o 5 de abril pola Ruta do Viño Rías Baixas. Incluíu hospedaxe no aloxamento de turismo rural Casa do Sear, visita á adega Martín Códax e comidas en espazos senlleiros como son os restaurantes Casa Rosita e Horta e Viño. Nesta primeira viaxe participaron as instagramers @Jes_sss, @gdegastronomia e @saraluamchef8.
Entre o sábado 5 e o domingo 6 tivo lugar o famtrip da Ruta do Viño do Ribeiro, con aloxamento no Laias Caldaria Hotel Balneario de Cenlle, onde puideron realizar unha experiencia termal, así como visita a adega Cuñas Davia e comidas nos restaurantes Alfonso V e Casal de Armán. Percorreron este destino @lolaframbuesa, @unsaltoagalicia e @trotando.mundos.
Mediante este tipo de iniciativas, Turismo de Galicia quere achegar distintas propostas diferenciais a profesionais das redes sociais destacadas polo seu papel activo nas recomendacións de ocio e gastronomía. Búscase que estas figuras xeren cobertura mediática e visibilidade para o destino dunha forma orgánica, chegando a grupos de público a través doutro tipo de canais ou formatos. Estas accións entran dentro da planificación de promoción turística da Xunta, que prevé para 2025 realizar ao redor de medio cento de viaxes a Galicia de distintos axentes, desde operadores turísticos a xornalistas, para promocionar os recursos da comunidade.
