O Festival de Cannes selecciona por primeira vez en competición oficial dúas películas subvencionadas pola Xunta de Galicia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- 'Sirat', de Oliver Laxe, e 'Romería', de Carla Simón, serán ademais as únicas producións españolas que competirán este ano pola Palma de Ouro
- Laxe estreará o seu novo filme no prestixioso festival francés, que o recibe na súa sección central despois do éxito dos seus tres anteriores traballos nas competicións paralelas da mostra gala
- Carla Simón presenta a súa terceira longametraxe, filmada en Galicia co apoio do fondo para a atracción de rodaxes da Consellería de Cultura, Lingua e Xuventude
Estas imágenes pertenecen a Página Oficial de la Xunta de Galicia
Santiago de Compostela, 10 de abril de 2025
O audiovisual galego vén de acadar un novo fito coa selección na sección oficial do Festival de Cannes de dúas películas con participación galega e subvencionadas pola Xunta. Sirat, do galego Oliver Laxe, e Romería, rodada en Galicia pola catalá Carla Simón, serán ademais as únicas producións españolas que competiran este ano pola Palma de Ouro, a máxima distinción do prestixioso certame francés, que desenvolverá a súa 78ª edición do 13 ao 24 de maio.
A cuarta longa de Laxe contou cunha axuda de 260.000 euros a través da convocatoria de 2023 das subvencións da Consellería de Cultura, Lingua e Xuventude á produción e coprodución audiovisual. Filmes da Ermida, El Deseo, Uri Films e 4A4 Productions son as produtoras de Sirat, coa que o premiado cineasta galego regresa a Cannes, onde xa presentara con éxito os seus anteriores traballos en diferentes seccións paralelas: O que arde (galardón do xurado de Un certain regard), Mimosas (gran premio da Semana da crítica) e Todos vós sodes capitáns (estreada na Quincena dos realizadores).
Nesta ocasión, forma parte da selección oficial cunha historia rodada entre Aragón e Marrocos e protagonizada por Sergi López e Bruno Núñez, nos papeis dun pai e o seu fillo que viaxan ao sur do país árabe na procura da súa filla e irmá, desaparecida hai meses nunha rave.
Pola súa banda, Carla Simón estreará en Cannes Romería, coa que completa a triloxía de longametraxes na que explora as relacións familiares, inspirándose desta volta nas orixes da súa familia biolóxica paterna. Continúa así a senda que arrancou con Estiu 1993, coa que logrou o Goya á mellor dirección novel, e Alcarràs, Oso de Ouro na Berlinale.
Rodaxe na provincia de Pontevedra
O filme rodouse o pasado ano en Vigo e noutras localizacións da provincia de Pontevedra cunha subvención da Xunta de 300.000 euros do fondo para a atracción de rodaxes, cofinanciado pola Unión Europea no marco do Programa Galicia Feder 2021-2027.
O obxectivo desta liña de apoio é favorecer a proxección da nosa Comunidade como escenario de destacadas producións audiovisuais, encabezadas tanto por empresas de aquí como do resto de España e Europa.
