A Xunta felicita ao centro de investigación CiMUS da USC e a Mabel Loza por acadar a prestixiosa distinción María de Maeztu
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Goberno galego celebra o recoñecemento estatal para este centro da Rede CIGUS, ao que leva destinados máis de 15 M€ para apoiar a seu labor na I+D+i
Santiago de Compostela, 10 de abril de 2025
A Xunta de Galicia felicita ao Centro singular de investigación en Medicina Molecular e Enfermidades Crónicas (CiMUS) da Universidade de Santiago de Compostela por acadar a prestixiosa distinción María de Maeztu, un programa estatal que recoñece aos mellores centros e unidades de investigación de España. Trátase dunha gran nova, mostra do excelente traballo que realizan os investigadores do CiMUS coa súa directora, Mabel Loza, á fronte.
Este centro forma parte da Rede CIGUS, composta polos centros de investigación universitarios máis excelentes de Galicia, do que forman parte 10 entidades e 1.600 investigadores. A Xunta de Galicia leva apoiado ao CiMUS no desenvolvemento da súa actividade investigadora con máis de 15 M€ para a adquisición de equipamento científico-tecnolóxico ou para o desenvolvemento da súa plataforma de descubrimento de fármacos Innopharma, entre outros.
O CiMUS é o segundo centro galego que obtén esta distinción, despois de que o Instituto Galego de Física de Altas Enerxías (IGFAE) da Universidade de Santiago o acadase en dúas ocasións, a última delas actualmente en vigor.
Desde o Goberno autonómico faise tamén unha mención especial ao Centro singular de investigación en Química Biolóxica e Materiais Moleculares (CIQUS), da Universidade de Santiago, que logrou superar a primeira fase da convocatoria María de Maeztu.
