A Xunta destaca o retorno económico que deixa en Lugo a proba do Mundial de Motocross, cifrado en 4 millóns de euros
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O delegado territorial, Javier Arias, e os organizadores detallaron os estudos elaborados por MXGP sobre o impacto directo e indirecto que xera o Gran Premio de España
- O circuíto Jorge Prado acollerá de novo este evento os días 10 e 11 de maio co patrocinio do Goberno galego
Estas imágenes pertenecen a Página Oficial de la Xunta de Galicia
Lugo, 7 de abril de 2025
O delegado territorial da Xunta, Javier Arias, destacou hoxe o importante retorno económico da proba do Campionato Mundial de Motocross que se celebra en Lugo, cifrado nuns 4 millóns de euros.
O circuíto Jorge Prado acollerá de novo o Gran Premio de España os vindeiros 10 e 11 de maio, co Goberno galego como principal patrocinador local. Arias explicou que "é un investimento en deporte que ten un gran impacto na economía local, tanto directo como indirecto, debido á cantidade de xente que move e á súa repercusión mediática". Neste sentido, lembrou que esta cita recibiu o ano pasado o Premio MXGP á mellor promoción.
A presentación do balance tivo lugar na Delegación Territorial da Xunta. Ademais do delegado, participaron Diego Muñoz, representante de Last Lap, empresa encargada do premio de España de MXGP; o presidente e secretario de Motopark Lugo, Miguel Ángel Vázquez e Martín Pérez; e a vicepresidenta do Parlamento de Galicia, Elena Candia.
Os datos extráense dos estudos realizados por MXGP -promotor do Mundial- en base a enquisas elaboradas polo grupo Nielsen. Para analizar o impacto económico directo calculan os gastos na rexión que supoñen os visitantes, xa sexan participantes, prensa, patrocinadores ou público en xeral; incluso a propia caravana dos profesionais e os equipos que seguen o Mundial, que neste caso viaxan directamente desde a proba anterior e permanecen en Galicia durante toda a semana para os seus adestramentos en pistas e a posta a punto dos vehículos.
Todos eles realizan gastos en viaxes, aloxamento, restauración, compras, ocio e turismo. A práctica totalidade dos establecementos hoteleiros colgaron o cartel de completo na pasada edición, e de cara a este 2025 xa empeza a ser complicado facer unha reserva.
Tamén se suman os consumos dos propios organizadores en empresas provedoras, que na que na súa maioría son locais. No paddock, isto é, a zona do circuíto onde se atopan os garaxes, pilotos e escudarías, conviven preto de 2.000 persoas, con máis de 80 trailers, decenas de caravanas e centenares de vehículos.
Eco en medios
O Gran Premio de España que se celebra en Lugo ten eco en medios nacionais e internacionais de televisión, radio, prensa e plataformas dixitais, con numerosos xornalistas desprazados para seguir a carreira en directo. Unha cuestión, segundo destacaron na presentación, "que supón multiplicar exponencialmente o impacto a nivel turístico e de promoción".
A televisión oficial do campionato, MXGP-TV, ofrece a conexión vía satélite a decenas de televisións de todo o mundo, e así as 11 mangas do Mundial retransmitiranse en directo en máis de 60 países de catro continentes, como Estados Unidos, Canadá, Mexico, Brasil, Australia, India ou Indonesia. Entre as televisións que emiten as carreiras figuran a CBS, Fox Sport, MAX, L'Equipe, RAI ou TNT. En España, a TVG ten os dereitos sobre as mangas da categoría máxima.
Os estudos detallados hoxe establecen tamén o prototipo de seguidor que acude a este gran evento. Así, o 55% dos asistentes a un Gran Premio teñen menos de 34 anos, o 69% son homes, o 73% deles teñen moto e o 50% practica motocross. As análises tamén conclúen que o 71% pernocta dúas noites na zona onde se celebra a proba deportiva.
