Xosé Merelles visita a montaxe do Festival Jaleo! que celebra a primeira edición este 2025 co apoio da Xunta
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Santiago de Compostela, 3 de abril de 2025
A punto de celebrarse o Festival Jaleo! o director de Turismo de Galicia, Xosé Merelles, supervisou a montaxe do evento musical que terá lugar este sábado no Multiusos Fontes do Sar, en Santiago de Compostela e que se enmarca nos Concertos do Xacobeo.
A cita tenta enriquecer a proposta turística urbana e musical durante a primavera na capital de Galicia. Polo escenario do Festival Jaleo! desfilarán nomes como Viva Suecia, Zahara, Sexy Zebras, Carlos Ares, Dani Dicostas e David Van Bylen nunha mestura de estilos e sons para todos os gustos. A Xunta contribúe á celebración deste festival achegando máis de 145.000 euros.
O programa Concertos do Xacobeo regresa este 2025 cun programa amplo e plural, que apoia os principais eventos musicais da comunidade. En total serán máis de 40 eventos e 500 bandas e artistas imprescindibles da escena musical internacional, nacional e galega, que visitarán Galicia ao longo de todo o ano.
