A Xunta apunta aos recursos naturais como o principal activo de Galicia e avoga por un aproveitamento sostible das explotacións mineiras
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Planificación Enerxética e Minas, Pablo Fernández Vila, participou na xornada Potencial mineiro. Presente e futuro do noso país organizada pola Cámara Oficial Mineira de Galicia
- Insiste na importancia de empregar "os nosos recursos de maneira eficiente e responsable para fomentar a autosuficiencia"
- Salienta o papel na minería na transición cara a unha economía dixitalizada e descarbonizada
Estas imágenes pertenecen a Página Oficial de la Xunta de Galicia
Santiago de Compostela, 3 de abril de 2025
O director de Planificación Enerxética e Minas, Pablo Fernández Vila, destacou hoxe que os recursos naturais son o principal activo de Galicia e avogou por un aproveitamento sustentable das explotacións mineiras. "Trátase de empregar os nosos recursos de maneira eficiente e responsable para fomentar a autosuficiencia", subliñou.
Fernández Vila, participou na xornada Potencial mineiro. Presente e futuro do noso país organizada pola Cámara Oficial Mineira de Galicia onde salientou a importancia deste sector na transición cara a unha economía dixitalizada e descarbonizada que requirirá materias primas e procesos de produción eficientes. E nesta liña, explicou que a Xunta vai comezar a traballar na actualización da Axenda de impulso da minería sustentable de Galicia 2030 para o novo período temporal 2025-2027.
Durante a súa intervención, o director xeral apuntou que "Galicia pode ser clave para a autonomía de Europa" grazas aos datos da Comunidade en relación á minería. Así, sinalou que "representamos o 9,5 % da produción mineira de España, somos líderes en produción de pedra natural, a nosa rexión ocupa o segundo lugar en canto a emprego mineiro con 3.711 empregos directos e somos a primeira Comunidade Autónoma en número de establecementos balnearios activos", sinalou.
Ademais, Pablo Fernández Vila, puxo en valor a Lei de promoción dos beneficios sociais e económicos dos proxectos que fagan uso dos recursos naturais de Galicia aprobada no Parlamento de Galicia o pasado mes de outubro. Segundo explicou, esta lei pretende garantir que calquera proxecto que se desenvolva en Galicia "xere riqueza social e económica no territorio".
Finalmente, lembrou dous fitos importantes que está a desenvolver o Goberno galego no ámbito do sector mineiro como son, a promoción da figura dos municipios mineiros, unha ferramenta que pretende executar actuacións que centren na formación, o fomento dos recursos naturais, na recuperación ambiental e posta en valor do patrimonio mineiro; e por outro lado a convocatoria -despois de 13 anos- dos concursos dos dereitos mineiros nas catro provincias galegas.
