A Xunta apoia con 1,2 millóns de euros a promoción fora de Europa do sector vitivinícola da área territorial de Pontevedra
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O delegado territorial visitou as instalacións de Attis Bodegas y Viñedos S.L., que recibiu unha achega de máis de 55.400 euros
- Estas axudas beneficiaron a un total de 13 empresas, 9 delas afincadas na área territorial de Pontevedra
Estas imágenes pertenecen a Página Oficial de la Xunta de Galicia
Meaño (Pontevedra), 3 de abril de 2025
O delegado territorial da Xunta de Galicia en Pontevedra, Agustín Reguera, visitou esta mañá as instalacións de Attis Bodegas e Viñedos S.L. con motivo das axudas da Xunta para a execución de medidas de promoción do sector vitivinícola en mercados de terceiros países.
Así, esta empresa que se dedica principalmente á comercialización de viño, recibiu unha achega de máis de 55.400 euros, coa que a Xunta busca fomentar a súa imaxe fora dos países da unión europea. Cabe destacar que, tal e como confirmou o responsable da empresa, as exportacións xa supoñen unha porcentaxe moi elevada da facturación total da empresa, polo que estas axudas veñen a apoiar unha vía de negocio que está a demostrar ser moi positiva para o sector vitivinícola galego.
Neste sentido, na convocatoria do 2024 beneficiáronse destas axudas un total de 13 empresas, das que 9 corresponden á área territorial de Pontevedra (1,2 millóns de euros). O orzamento total desta liña de subvencións é de preto de 1,3 millóns de euros.
O delegado territorial aproveitou a visita para poñer en valor "o excelente traballo que levan a cabo as bodegas galegas e, moi especialmente, as afincadas na provincia de Pontevedra onde a calidade e a excelencia dos seus produtos está a conseguir abrir oportunidades de negocio no estranxeiro que acaban por reverter de forma moi positiva no progreso económico e social da provincia".
