A Xunta inicia as obras de 20 vivendas de promoción pública en Mos, cun investimento de máis de 4,3 M€
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Allegue puxo en valor a colaboración "exemplar" do Concello de Mos nesta actuación, que cedeu de forma gratuíta a parcela sobre a que se vai a construír o novo inmoble
- Polo menos un 40 % das vivendas destinaranse a alugueiro accesible para menores de 36 anos
- Trátase dun edificio de tres plantas e as vivendas terán entre dous e catro dormitorios
- Os diversos espazos comunitarios organizaranse ao redor de dous patios centrais, que permitirán a entrada de luz natural e a mellor ventilación das vivendas
Estas imágenes pertenecen a Página Oficial de la Xunta de Galicia
Mos (Pontevedra), 28 de marzo de 2025
A conselleira de Vivenda e Planificación de Infraestruturas, María M. Allegue, visitou o inicio das obras de construción dun edificio para 20 vivendas de promoción pública no barrio de San Eluterio-Tameiga, no concello de Mos, que se prevé que estea rematado en 2026. A actuación suma un investimento de máis de 4,3 M€, dos que un 77,2 % son fondos propios da Xunta e 22,8 % fondos europeos. Polo menos un 40 % das vivendas destinaranse a alugueiro accesible para menores de 36 anos.
Allegue destacou o compromiso da Xunta con esta localidade e agradeceu ao Concello a súa cooperación co Goberno galego nesta actuación, cedendo o solar de forma gratuíta para a construción do inmoble. A titular de Vivenda e Planificación de Infraestruturas sinalou que "as corporacións locais teñen un papel fundamental no eido da vivenda" e puxo en valor a colaboración "exemplar" do executivo de Mos.
O futuro edificio contará cunha planta de soto, planta baixa e tres plantas altas. Das 20 vivendas unha será adaptada para persoas con mobilidade reducida, e o inmoble contará con 29 prazas de garaxe e 20 rochos. A nova promoción pública neste municipio pontevedrés localízase na parcela 702 do polígono 52 do Barrio San Eleuterio-Tameiga.
Nas plantas primeira a terceira distribuiranse o resto das vivendas, catro na primeira planta e seis nas plantas superiores. As nove prazas de garaxe restantes sitúanse en superficie, dentro da propia parcela da edificación.
Das 20 vivendas, dúas disporán de 4 dormitorios, cunha superficie útil de 117,42 m²; outras 14 contarán con 3 dormitorios (unha delas adaptada a persoas con mobilidade reducida), cunha superficie útil que oscilará entre os 95,22 m² e 114,78 m²; e 4 vivendas terán 2 dormitorios, cunha superficie útil de 69,87 m².
A edificación organizará as vivendas e os diversos espazos comunitarios arredor de dous patios centrais, que permiten a entrada de luz natural e melloran a ventilación das vivendas á vez que se favorece a relación co espazo exterior.
