A Xunta destina máis de 18.000 euros á Asociación Renacer de Ribeira para o desenvolvemento de programas de incorporación social a pacientes con trastornos adictivos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- As iniciativas no ámbito da incorporación social desenvolveranse a través do Programa de Atención Xurídico Social
- Ao abeiro deste Programa, no pasado ano foron atendidas 241 persoas por parte desta asociación e preto de 2.000 en toda Galicia
- No conxunto da comunidade autónoma, a Xunta destinará 447.000 euros ao Programa de Atención Xurídico Social
Estas imágenes pertenecen a Página Oficial de la Xunta de Galicia
Santiago de Compostela, 22 de marzo de 2025
O conselleiro de Sanidade, Antonio Gómez Caamaño, e a vicepresidenta da Asociación Renacer de Ribeira, María José Garabán, veñen de asinar un convenio de colaboración para o desenvolvemento de programas de incorporación social a pacientes con trastornos adictivos, que a Xunta financiará cunha achega de 18.870 euros.
Ao abeiro deste convenio, o pasado ano foron atendidos por esta asociación un total de 241 usuarios, dos que 210 eran homes e 31 mulleres.
As iniciativas no ámbito da incorporación social desenvolveranse a través do Programa de Atención Xurídico Social que deberá ser dirixido á atención integral das persoas con trastornos adictivos e problemática legal engadida, prestándolles axuda técnica en relación a trámites xurídicos.
A prestación dos mencionados servizos levarase a cabo por parte dos profesionais que integran os equipos nos diferentes dispositivos da asociación.
No presente ano a Xunta destinará 447.000 euros ao desenvolvemento no conxunto de Galicia do Programa de Atención Xurídico Social. En 2024 este programa posibilitou axudar a 1.995 persoas a través sete asociacións sen ánimo de lucro
Coordinación co Plan de Galicia sobre Drogas
Tal e como se recolle no convenio asinado, a asociación Renacer de Ribeira comprométese a cumprir as directrices e instrucións de coordinación e programación dispostas polo Servizo Galego de Saúde a través da Subdirección Xeral de Atención á Saúde Mental, coordinándose, ademais, con outros centros, servizos e programas recollidos dentro do Plan de Galicia sobre Drogas.
O perfil social destas persoas é variado, pero gran parte delas presentan dificultades adicionais para a súa incorporación social, ao estar incursas en procedementos xudiciais que poden comportar un ingreso en prisión e dificultar así os seus procesos de recuperación.
As complexas situacións e circunstancias derivadas das adiccións necesitan de instrumentos de asesoramento e orientación técnica e profesional por un equipo multidisciplinar e experto na materia, para prestar cobertura en todas as situacións persoais, sociais e xudiciais nas que se vexan involucrados, optimizando a canalización do usuario ao recurso da rede asistencial máis adecuado.
En consecuencia, a través deste convenio facilítase a atención integral ás persoas con condutas aditivas e problemas legais, proporcionado cobertura de apoio e documental ao ámbito xudicial (xulgados, comisarías, prisións...), tanto a usuarios como a xuíces, fiscais, avogados e á propia institución penitenciaria.
Así mesmo, o dito programa actúa como porta de entrada nos recursos clínico- asistenciais.
