Lara Meneses pon en valor os proxectos que impulsan o desenvolvemento persoal da mocidade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Na xornada, que conta co apoio da Xunta, interveñen a triatleta paralímpica Eva Moral, o hostaleiro Nino Redruello, e a comunicadora Fabiola Martínez
- A representante da Consellería de Cultura, Lingua e Xuventude destaca o compromiso coa xente nova a través de ferramentas, iniciativas e a colaboración con entidades para materializar as súas ideas
- Lembra que, no eido do voluntariado, están abertas as convocatorias para o acompañamento no sistema galego de saúde e a participación nos campos de voluntariado no estranxeiro
Estas imágenes pertenecen a Página Oficial de la Xunta de Galicia
A Coruña, 21 de marzo de 2025
A directora xeral de Xuventude, Lara Meneses, participou hoxe na apertura do congreso Lo que de verdad importa, onde agradeceu a posta en marcha de proxectos que favorecen o desenvolvemento persoal da mocidade galega. Trátase dun encontro organizado pola Fundación María José Jove, co apoio da Xunta de Galicia, no que interveñen a triatleta paralímpica Eva Moral, o hostaleiro Nino Redruello, e a comunicadora Fabiola Martínez para falar das súas traxectorias vitais e inspirar á xente nova.
No acto, celebrado no Pazo de Congresos e Exposicións da Coruña, a representante da Consellería de Cultura, Lingua e Xuventude destacou o compromiso do Goberno galego coa posta en marcha de ferramentas e iniciativas a disposición da mocidade galega para que as súas ideas e proxectos se poidan materializar, para axudar na súa inserción no mercado laboral ou para fomentar a colaboración entre mozos e entidades
Neste senso, lembrou que a Xunta de Galicia ten actualmente abertas dúas convocatorias no eido do voluntariado. Unha delas, tal e como explicou promove o acompañamento en centros de saúde de Galicia para axudar ás persoas usuarias do sistema galego de saúde realizando funcións de apoio, formación ou actividades lúdicas, mentres que a outra proposta favorece a participación de mozos e mozas en campos de voluntariado no estranxeiro.
Para rematar, Lara Meneses agradeceu á Fundación María José Jove o impulso deste tipo de xornadas que permiten aos mozos e mozas galegos coñecer outras realidades e historias que os inspiren e os animen a construír unha sociedade mellor.
