Medio Rural pon en valor a riqueza social, económica e ambiental do monte na véspera do Día Mundial dos Bosques
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A titular do departamento, María José Gómez, participou xunto ao delegado territorial da Xunta en Lugo, Javier Arias, nunha plantación de árbores no CEIP Paradai da capital lucense
- Destacou que este ano desde a Consellería facilitáronse preto de 8.000 plantas a diferentes centros de ensino, concellos e comunidades de montes veciñais en man común de toda Galicia para realizar este tipo de plantacións
Estas imágenes pertenecen a Página Oficial de la Xunta de Galicia
Lugo, 20 de marzo de 2025
A conselleira do Medio Rural, María José Gómez, acompañada polo delegado territorial da Xunta en Lugo, Javier Arias, participou esta mañá no CEIP Paradai no acto conmemorativo do Día Internacional dos Bosques, que se celebra mañá venres, día 21 de marzo. Neste marco, a conselleira quixo poñer en valor o monte galego e a súa riqueza ambiental, económica e social.
Así, Gómez salientou, no eido ambiental os "grandes beneficios" que aportan os bosques, especialmente nun contexto de cambio climático; no que atinxe ao aspecto económico, lembrou que a riqueza do monte galego está cifrada en máis de 43.000 millóns de euros, segundo estimacións realizadas por expertos do sector forestal, e no terreo social subliñou o valor destes ecosistemas como lugares de lecer para o conxunto da sociedade.
Neste contexto, a conselleira destacou que este ano desde o seu departamento facilitáronse preto de 8.000 plantas a diferentes centros de ensino, concellos e comunidades de montes veciñais en man común de toda Galicia para realizar plantacións como a que hoxe se levou a cabo neste centro de ensino da capital lucense. E animou a todos os colexios a solicitar árbores para plantar e a reforzar así a educación ambiental que se imparte, centrada tamén nos valores do rural.
María José Gómez engadiu que este tipo de actos simbólicos -que cualificou como "entrañables"- teñen unha gran importancia no campo da sensibilización, e sobre todo cando, como neste caso concreto, se dirixen aos alumnos, que "representan, en definitiva, o futuro da nosa sociedade", remarcou.
