A Xunta impulsa a renovación da iluminación dos campos de fútbol de Ponte Carreira e de Abellá cun investimento de case 60.000 euros
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A delegada da Xunta, Belén do Campo, visitou o Concello para coñecer as accións realizadas ao abeiro do fondo adicional ao Fondo de Cooperación Local
- Un total de 7 concellos da comarca de Santiago recibiron achegas do Goberno galego ao abeiro desta liña, o ano pasado, por un importe de case 410.000 euros
Estas imágenes pertenecen a Página Oficial de la Xunta de Galicia
Frades (A Coruña), 19 de marzo de 2025
A delegada da Xunta, Belén do Campo, visitou hoxe o concello de Frades co seu alcalde, Roberto Rey, para coñecer as actuacións realizadas ao abeiro do fondo adicional ao Fondo de Cooperación Local que contou cun apoio de case 60.000 euros para levar a cabo a renovación da iluminación dos campos de fútbol de Ponte Carreira e de Abellá. A dotación deste fondo está destinada á realización de obras de mellora da eficiencia enerxética en edificios de titularidade municipal que se destinen á prestación de servizos ou ao exercicio das súas competencias e vai dirixido a concellos con poboación inferior a 15.000 habitantes
Concretamente, esta axuda permitiulle ao Concello instalar no campo de fútbol de Ponte Carreira 20 proxectores, 5 por torre, e no de Abellá instaláronse outros 20 proxectores, 5 por torre, e a reforma do cadro de mando e a instalación dun sistema de control para o control dos proxectores individualmente ou en conxunto, instalando varios programas de funcionamento.
Estas intervencións, aclarou Belén do Campo, "melloran as condicións luminosas dos equipamentos, permitira aplicar distintos alumeados segundo o uso (adestramento ou competición) e reducirá o consumo de enerxía eléctrica nos dous campos unha media de preto do 66%".
Na comarca de Santiago hai 7 concellos beneficiarios desta orde, o ano pasado, con achegas que suman case 410.000 euros. Así, ademais de en Frades a Xunta colabora tamén, en proxectos similares, en Dodro, Ordes, Boqueixón, Boimorto, Oroso e Padrón.
A representante do Goberno autonómico incidiu na importancia da colaboración entre o Goberno galego e os concellos para levar a cabo actuacións que redunden no benestar da veciñanza. Nesta liña, Belén do Campo sinalou que este apoio é fundamental sobre todo nos municipios máis pequenos para que poidan levar a cabo iniciativas que en solitario resultaríalles máis complicado ou non serían posibles.
Nova orde 2025
Na visita a delegada informou que xa está aberto o prazo para solicitar estas axudas a través da orde que establece os criterios e o procedemento para a distribución do fondo adicional, que conta cunha dotación de 5 millóns de euros.
Segundo explicou, a medida vai dirixida aos concellos con poboación inferior a 15.000 habitantes e ten como obxectivo financiar obras de mellora de eficiencia enerxética en instalacións municipais, con prioridade para as deportivas, educativas, sociais, sanitarias ou culturais.
Tamén se valora o tipo de investimento, con maior puntuación para a instalación de caldeiras alimentadas con enerxías renovables ou reformas de cubertas a prol da eficiencia enerxética en infraestruturas de uso deportivo. A maiores tense en conta as melloras da envolvente térmica, na instalación eléctrica ou na iluminación, entre outras, así como a necesidade específica das actuacións previstas.
As achegas poden ascender ata os 60.000 euros por concello, sen que a contía poida exceder o custo da actuación, que debe ser dunha única fase e supoñer a posta en servizo inmediata do proxecto.
Así, a delegada animou aos concellos a solicitar estas axudas, para o que dispoñen ata o 14 de abril. As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia.
