A Xunta investirá máis de 355.000 € na construcción dunha glorieta e mellora do firme na zona de acceso a Cequeliños, no concello de Arbo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Os traballos permitirán ampliar os carrís deste tramo da antiga PO-400, que agora contarán cun ancho mínimo de 3 metros
- Varios veciños achegáronse ata o punto onde se vai construír a glorieta para escoitar as explicacións dos técnicos da consellería de Planificación de Infraestruturas e Vivenda
Pontevedra, 14 de marzo de 2025
O delegado territorial da Xunta en Pontevedra, Agustín Reguera, achegouse esta mañá ata o concello de Arbo acompañado polo seu alcalde, Horacio Gil, para anunciar que a Xunta saca a licitación unha obra de mellora de intersección na PO-400.
En concreto, os traballos levaranse a cabo na zona que vai do acceso a Mandelos ata o acceso ao lugar de Cequeliños e consistirán na instalación dunha glorieta de 15 metros de radio que permitirá aliviar o tráfico desta zona e reordenar as interseccións próximas.
As actuacións tamén permitirán mellorar o trazado da antiga PO-400, ampliando os carrís ata os tres metros de ancho, así como as beiravías, que contarán cun ancho de entre 0,3 e 0,5 metros, dependendo da zona. Ademais, rehabilitarase o pavimento en todo o trazado.
O proxecto, que contará cun orzamento de máis de 355.000 euros, permitirán mellorar a comodidade dos condutores que pasan pola zona, pero tamén a seguridade dos veciños e veciñas da zona, que hoxe se achegaron ata o punto onde se vai realizar a rotonda para escoitar as explicacións dos técnicos da consellería.
O delegado territorial aproveitou a xuntanza para agradecer á veciñanza a sua comprensibilidade e destacar "o gran traballo que se levou a cabo dende a consellería e coa colaboración continua do alcalde para que esta obra poida ser unha realidade".
As empresas interesadas teñen de prazo ata o día 9 de abril para presentar a súa proposta.
