Martina Aneiros lembra que a Xunta ten aberto ata o 13 de marzo o prazo de solicitude das axudas aos concellos para obras de eficiencia enerxética
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Esta orde da Consellería de Presidencia, Xustiza e Deportes, está dotada de 5 M€ de orzamento para as anualidades 2025-2026
- Está dirixida a concellos de menos de 30.000 habitantes e permitirá cubrir o 80% dos gastos de mellora en illamento, iluminación interior e climatización cun límite de 120.000 euros
Estas imágenes pertenecen a Página Oficial de la Xunta de Galicia
Ares (A Coruña), 3 de marzo de 2025
A delegada territorial da Xunta en Ferrol, Martina Aneiros, supervisou esta mañá as obras de mellora da eficiencia enerxética do centro sociocultural Outeiro de Chanteiro que o Concello de Ares executou cun axuda da Consellería de Presidencia, Xustiza e Deportes de máis de 81.000 euros.
A intervención consistiu na mellora da eficiencia enerxética do inmoble a través da redución da demanda enerxética mediante a mellora da envolvente térmica, illamento de fachadas e instalación de carpintería e vidros de boas características térmicas. Ademais mellorouse a eficiencia enerxética da instalación de iluminación mediante luminarias tipo LED e melloráronse os sistemas de calefacción con fonte de enerxía renovable, substituíndo a caldeira actual de gasóleo por unha bomba de calor, mantendo os emisores de calor.
Segundo explicou Aneiros estas axudas, dotadas para a anualidade 2025-2026 de 5 M€ e cofinanciadas con fondos Feder, están destinadas a concellos de menos de 30.000 habitantes para a realización de obras de eficiencia enerxética en edificios e infraestruturas vinculadas á prestación de servizos municipais.
Serán subvencionables obras de mellora das envolventes térmicas, illamentos en cubertas e fachadas, e a instalación de carpinterías exteriores ou acristalamentos con boas características térmicas. Tamén se sufragarán as obras para contar con iluminación eficiente no interior dos edificios, así como para a colocación de sistemas de control e regulación da iluminación artificial, da intensidade e o acendido. Outra das melloras refírese á climatización, calefacción e sistemas e auga quente sanitaria, que poderán incluír fontes de enerxía renovable.
A delegada territorial indicou que estas axudas que se poden solicitar ata o 13 de marzo, permitirán cubrir ata o 80% dos gastos de melloras en illamento, iluminación interior e climatización cun límite de 120.000 euros.
"Con esta convocatoria o Goberno galego segue a apoiar ao concellos no aforro enerxético á vez que contribúe á redución das emisións de gases de efecto invernadoiro e á mitigación dos efectos do cambio climático", explicou Aneiros, quen aliñou a medida coa Estratexia de cambio climático e enerxía 2050 e no marco do Programa Feder Galicia 2021-2027.
