A Xunta e a Deputación de Ourense avanzan nun programa piloto para dotar con 16 brigadas a catro mancomunidades na loita contra os lumes
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Defensa do Monte, Manuel Rodríguez, reuniuse hoxe cos presidentes das mancomunidades de Verín, O Carballiño, Terra de Celanova e O Ribeiro
- A iniciativa inclúese no protocolo de colaboración para o desenvolvemento de actuacións conxuntas dirixidas ao mantemento e conservación das infraestruturas preventivas e da contorna forestal na prevención a defensa contra os incendios
- Destinaranse catro brigadas, compostas por cinco integrantes, para cada unha das mancomunidades e poderán levar a cabo tanto tarefas de prevención como de extinción por un período de seis meses
Estas imágenes pertenecen a Página Oficial de la Xunta de Galicia
Ourense, 21 de febreiro de 2025
O director xeral de Defensa do Monte, Manuel Rodríguez, acompañado polo delegado territorial da Xunta en Ourense, Manuel Pardo, e polo deputado provincial, José María Lago; reuniuse hoxe cos presidentes das mancomunidades de Verín, José Luis Suárez; do Carballiño, Fernando Rodríguez; de Terra de Celanova, Jaime Sousa; e do Ribeiro, Francisco José Fernández; para avanzar nun programa piloto co fin de dotalas con 16 brigadas para a loita contra os incendios forestais.
Esta iniciativa enmárcase dentro do protocolo de colaboración entre a Consellería do Medio Rural e a Deputación Provincial de Ourense para o desenvolvemento de actuacións conxuntas dirixidas ao mantemento e conservación das infraestruturas preventivas e da contorna forestal para a prevención e a defensa contra os incendios forestais.
O citado protocolo consta de seis actuacións relacionadas coa adquisición de tractores rozadoiras e maquinaria motoniveladora; coa cesión de maquinaria e a aportación de máquinas multifunción; coa formación do persoal dos concellos e mancomunidades no emprego destas ferramentas, a través do Centro Integral de Loita contra o Lume situado no municipio de Toén; e co desenvolvemento do programa piloto de dotación de brigadas.
Estas brigadas, das cales se destinarían catro para cada mancomunidade con cinco integrantes en cada unha, levarán a cabo tarefas de prevención e, no caso de ser requiridos polo distrito forestal, poderán actuar no caso de extinción dun incendio forestal. A disposición destas brigadas sería por unha duración de seis meses, segundo se contemplou dentro do protocolo de colaboración entre a Consellería do Medio Rural e a Deputación de Ourense.
Así, mediante este protocolo fomentaranse os traballos de roza de matogueira para xestionar a biomasa. O obxectivo é realizar actuacións conxuntas dirixidas ao mantemento e a conservación das infraestruturas preventivas e da contorna agroforestal no territorio provincial.
