A Xunta sinala o Colexio de Crecente como un exemplo da calidade do ensino no rural e da igualdade de oportunidades no acceso aos recursos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O conselleiro de Educación, Román Rodríguez, visita o centro para comprobar o resultado das últimas melloras realizadas
- Ao abeiro do Plan de nova arquitectura pedagóxica investíronse máis de 170.000 en melloras neste colexio, que conta con preto de 50 alumnos e 12 docentes
Estas imágenes pertenecen a Página Oficial de la Xunta de Galicia
Crecente (Pontevedra), 20 de febreiro de 2025
O conselleiro de Educación, Ciencia, Universidades e FP, Román Rodríguez, comprobou hoxe o resultado das últimas obras realizadas no Colexio CEIP Plurilingüe Manuel Sieiro da localidade pontevedresa de Crecente a través das que se renovou a cuberta de patio e se mudaron media ducia de fiestras.
No transcurso da visita puxo en valor as melloras nas instalacións dos centros do rural que a Xunta de Galicia está a realizar ao abeiro do Plan de nova arquitectura pedagóxica. "No marco desta folla de ruta levamos investidos máis de 170.000€ en obras no que é o único colexio de Crecente", explicou o conselleiro. Ás obras recentemente rematadas súmanse outras realizadas en anos anteriores como a colocación dunha estrutura metálica para cubrir o patio, a renovación da fontanaría e os sanitarios ou a reparación do salón de actos e mellora da fachada traseira.
Román Rodríguez quixo destacar a implicación e compromiso da comunidade educativa do CEIP Manuel Sieiro, no que estudan preto de 50 alumnos e traballan 12 docentes, "o que pon de manifesto que o ensino no rural ten unha gran calidade e está en pé de igualdade no acceso a recursos e iniciativas ca o de centros de maior tamaño", afirmou.
Ademais de ser plurilingüe e contar cun auxiliar de conversa, este colexio participa nun gran número de iniciativas innovadoras impulsadas desde o Goberno galego, como o programa de impulso de Centros Referentes, "unha das seis liñas de acción do Plan MEGA de mellora educativa de Galicia que puxemos en marcha este curso para a transformación e consolidación definitiva do sistema educativo galego", destacou. É tamén moi dinámico no que se refire á biblioteca escolar, na que desenvolven programas como os Clubs de Lectura, Radio na Biblio, Lectura e familias ou Biblioteca Creativa, entre outros.
