A Consellería de Sanidade publica as bases para participar nos V Premios de Innovación en Saúde 2025
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Estes galardóns buscan fomentar ideas innovadoras para mellorar a calidade de vida das persoas e a sustentabilidade do sistema sanitario público galego
- As persoas e as entidades que desexen participar nesta nova edición dos premios teñen un prazo de dous meses para presentar as súas candidaturas

Santiago de Compostela, 19 de febreiro de 2025
O Diario Oficial de Galicia (DOG) publica, na súa edición de hoxe, as bases dos V Premios de Innovación en Saúde 2025 no sistema público de saúde de Galicia.
Estes galardóns teñen por obxecto fomentar as ideas innovadoras nas que traballan os seus profesionais, para mellorar a calidade de vida das persoas e a sustentabilidade da sanidade pública galega, ademais de iniciativas presentadas por persoas físicas (pacientes, coidadores, etc.), entidades ou asociacións de pacientes sen fins lucrativos que colaboran de xeito directo ou indirecto, na busca dun sistema público de saúde máis innovador e eficiente.
Estes premios contan con dúas categorías: unha modalidade destinada aos profesionais da saúde e outra cuxos destinatarios son os pacientes (onde poden participar persoas físicas, organizacións e asociacións de pacientes). Ambas as modalidades contarán con dous gañadores cada unha, con primeiro e segundo premio.
As persoas e as entidades que desexen participar nesta nova edición dos premios dispoñen dun prazo de dous meses para presentar as súas candidaturas.
En colaboración coa Axencia Galega de Coñecemento en Saúde (ACIS), a Consellería de Sanidade segue a apostar por un modelo de innovación aberto no que todas as partes interesadas deben de participar e crear unha interacción fluída e combinar as ideas dos sistemas de innovación.
Con esta convocatoria búscase continuar impulsando a participación cidadá nos procesos de I+D+i e nas incorporacións de actividades e proxectos innovadores na sanidade galega.