A Xunta pon en valor o deporte como sector estratéxico na economía galega
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O conselleiro de Presidencia, Xustiza e Deportes, Diego Calvo, percorreu as instalacións de Termaria-Casa da Auga con representantes do Clúster Galego da Industria do Deporte e o Benestar no marco dunha rolda de visitas a empresas deportivas da comunidade para coñecer a súa actividade
- O Goberno galego cuantifica a dimensión económica do sector a través da Conta Satélite do Deporte, unha iniciativa pioneira a nivel autonómico levada a cabo en colaboración co Instituto Galego de Estatística
- Galicia conta con case 3.000 empresas deportivas que xeran o 1% do PIB na comunidade con 16.000 empregos directos
Santiago de Compostela, 6 de febreiro de 2025
O conselleiro de Presidencia, Xustiza e Deportes, Diego Calvo, visitou hoxe as instalacións de Termaria-Casa da Auga xunto co presidente do Clúster Galego da Industria do Deporte e o Benestar, Pedro Iglesias e a xerente do organismo, Sofía Toro, campioa olímpica de vela na categoría Elliot 6 metros nos Xogos Olímpicos de Londres 2012.
O acto enmárcase nunha rolda de visitas para coñecer a actividade prestada por empresas do sector do deporte, un ámbito estratéxico para a Xunta que en Galicia representa o 1% do Produto Interior Bruto (PIB) con máis de 16.000 empregos directos e case 3.000 empresas vinculadas. Así o recolle a Conta Satélite do Deporte de Galicia publicada hai unhas semanas no Instituto Galego de Estatística (IGE). Esta iniciativa impulsada pola Consellería de Presidencia, Xustiza e Deportes en colaboración co IGE é unha ferramenta pioneira a nivel autonómico para cuantificar a dimensión económica do sector.
O Goberno galego comparte co Clúster o obxectivo e o compromiso de situar o deporte galego nunha posición de liderado, polo que mantén unha estreita colaboración con este organismo no que se integran máis dun cento de empresas deportivas. A Xunta e a entidade colaboran en promover a práctica deportiva entre os colectivos con maior taxa de abandono do deporte e avanzar nun plan a medio prazo encamiñado a fomentar a actividade física en todas as franxas de idade coa meta de chegar en 2030 aos 2 millóns de persoas que practican actividade física.
Na súa visita á Casa de Auga, Diego Calvo percorreu as distintas zonas deste centro de fitness no que se combinan elementos dun centro deportivo tradicional cun de talasoterapia urbana e que dispón, nas súas distintas áreas, de piscinas, salas de fitness e actividades dirixidas, así como a zona co circuíto termal e a de tratamentos e fisioterapias.
