A Xunta conmemora co primeiro grafiteiro moderno, Cornbread, o 60 aniversario desta arte urbana
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Santiago de Compostela, 5 febreiro 2025
A Consellería de Cultura, Lingua e Xuventude sumouse á celebración do 60 aniversario do nacemento do graffiti contemporáneo con Cornbread, figura fundamental nas orixes desta arte urbana, que impartiu esta tarde unha conferencia no Gaiás. O artista estadounidense estivo acompañado pola directora xerente da Fundación Cidade da Cultura, Ana Isabel Vázquez, así como pola pioneira grafiteira galega Seor (Beatriz López), e os comisarios e investigadores no eido do graffiti moderno, Amabel González Troncoso e Balu.
O artista estadounidense, considerado o primeiro grafiteiro do mundo, compartiu na Cidade da Cultura a súa historia persoal e tamén reflexionou sobre a evolución dun movemento ao que deu orixe, sen sabelo, na década dos anos 60 cando pintaba o seu alcume nas rúas de Filadelfia. Unha forma de expresión que impactou de maneira fundamental na cultura urbana, reclamando, desde as súas orixes, o uso de espazos públicos dunha maneira libre e moitas veces anárquica, empregando paredes e muros que só parecía lexítimo que fosen ocupados pola publicidade.
