A Xunta dá a coñecer en Francia as oportunidades de atracción e retorno que ofrece Galicia aos investigadores
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Axencia Galega de Innovación e a Secretaría Xeral de Emigración participan na Asemblea Xeral da Sociedade de Investigadores Españois en Francia xunto ás tres universidades públicas de Galicia
- O obxectivo é amosar as capacidades da I+D+i e as iniciativas e programas para consolidar Galicia como un referente neste eido
Estas imágenes pertenecen a Página Oficial de la Xunta de Galicia
París, 2 de febreiro de 2025
A Xunta participou esta fin de semana na Asemblea Xeral da Sociedade de Investigadores Españois en Francia (SIEF-SCEF), que se celebra no Colexio de España de París, para presentar as capacidades da I+D+i galega e as oportunidades que ofrece a nosa Comunidade ao persoal investigador internacional e galego que queira traballar en Galicia, tanto galegos como doutros lugares.
A delegación galega que viaxou ata París está integrada polo secretario xeral de Emigración, Antonio Rodríguez, así como por representantes da Axencia Galega de Innovación e das tres universidades públicas galegas. Antonio Rodríguez Miranda, presentou a Estratexia Galicia Retorna e as actuacións integrais que ofrece a Xunta de Galicia sobre as persoas retornadas e as súas familias para favorecer o seu retorno. Pola súa banda, a Axencia Galega de Innovación, dependente da Consellería de Educación, Ciencia, Universidades e FP, puxo de manifesto algúns datos clave que poñen en valor a positiva evolución da I+D+i en Galicia e a aposta que está a facer o Goberno galego para impulsar a ciencia.
A participación galega na asemblea de SIEF forma parte dunha ampla campaña de difusión internacional da capacidades e oportunidades que ofrece Galicia ao persoal investigador emprendida pola Xunta.
Este esforzo de comunicación, concretado en accións publicitarias e eventos, céntrase especialmente en iniciativas como o Programa Oportunius da Xunta, cuxo obxectivo é reter e atraer persoas titulares das prestixiosas axudas do Consello Europeo de Investigación (ERC), consideradas un indicador de excelencia científica. Galicia conta con 33 gañadores ERC apoiados polo programa Oportunius, catro dos cales son persoal investigador galego retornado e cinco deles investigadores estranxeiros que se instalaron en Galicia para desenvolver os seus proxectos.
