A Xunta activa a alerta laranxa para mañá por vento na Mariña lucense
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Suspéndese por este motivo mañá pola mañá a actividade deportiva federada e do programa Xogade nos 15 concellos da Mariña
- Tamén estará activa en todo o litoral galego a alerta laranxa por temporal costeiro, motivo polo que se suspende a actividade deportiva federada no mar en toda Galicia
- Incídese na importancia de seguir as medidas de protección e de extremar as precaucións, e aconséllase consultar a páxina web do CIAE 112 (www.axega112.gal), que conta con información meteorolóxica e con ligazóns de interese
- Co fin de garantir a seguridade dos bens e as persoas, o Goberno galego informou da situación aos concellos da provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros
Estas imágenes pertenecen a Página Oficial de la Xunta de Galicia
Santiago de Compostela, 28 de xaneiro de 2025
A Xunta vén de activar para mañá a alerta laranxa por vento na Mariña de Lugo e tamén estará activo o aviso de nivel laranxa en todo o litoral galego por temporal costeiro.
Co fin de garantir a seguridade dos bens e as persoas, a Dirección Xeral de Emerxencias e Interior, da Consellería de Presidencia, Xustiza e Deportes, informou da situación a través do Centro Integrado de Atención ás Emerxencias 112 Galicia aos concellos da provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros.
O fenómeno meteorolóxico adverso por vento estará activo desde as primeiras horas da xornada de mañá na Mariña lucense por rachas de vento do suroeste de 100 quilómetros por hora. Por este motivo, a Secretaría Xeral para o Deporte da Consellería de Presidencia, Xustiza e Deportes anunciou para mañá pola mañá a suspensión da actividade deportiva federada e do programa Xogade nos 15 concellos da Mariña lucense. Os municipios poden consultarse no mapa de zonas climáticas de MeteoGalicia.
Ademais, segundo as actualizacións dos distintos organismos predictores, o litoral galego estará mañá en alerta laranxa. Agárdanse ventos do suroeste rolando a noroeste de forza 8 e mar combinada do oeste ou noroeste con ondas de ata sete metros. Por ese motivo, a Secretaría Xeral para o Deporte suspende todo o día a actividade deportiva federada no mar en toda Galicia.
A Xunta lembra a importancia de manterse afastado da liña de costa, isto é, diques, rompentes e paseos marítimos. Tamén que se extremen as medidas de seguridade á hora de realizar calquera actividade no mar e que se revisen os cabos e amarres das embarcacións.
Ademais, sinálase a importancia de retirar os obxectos que poidan caer á rúa desde os tellados, balcóns e fiestras, e evitar pasar preto de edificios en ruínas ou en construción, de árbores, de paneis publicitarios e de obxectos susceptibles de desprazarse con vento.
Aconséllase consultar a páxina web do CIAE 112 (www.axega112.gal), que conta con información meteorolóxica e con ligazóns de interese.
