A Xunta modernizará o Museo Pedagóxico de Galicia co maior investimento desde a súa inauguración
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Román Rodríguez presenta esta ambiciosa actuación para acadar un edificio máis eficiente, accesible e mellor dotado logo de dúas décadas en funcionamento
- A Consellería investirá este ano máis de 500.000 euros no Mupega, que en 2024 superou os 8.000 visitantes e máis de 18.000 persoas empregaron os seus recursos
- Trátase dun museo que permite comprobar a gran evolución do ensino galego ao longo do tempo e a súa contribución ao desenvolvemento e o progreso
Estas imágenes pertenecen a Página Oficial de la Xunta de Galicia
Santiago de Compostela, 25 de xaneiro de 2025
A Xunta de Galicia ten previsto iniciar en maio as obras de remodelación do Museo Pedagóxico de Galicia (Mupega), nas que investirá máis de 500.000 euros. O conselleiro de Educación, Ciencia, Universidades e Formación Profesional, Román Rodríguez, achegouse ás instalacións en Santiago para dar conta dos detalles dunha obra "moi ambiciosa", logo de dúas décadas de funcionamento, e que suporá a reforma de maior calado feita nas súas instalacións.
Este espazo expositivo especializado foi inaugurado en 2004 co obxectivo de recuperar, protexer, mostrar e difundir o noso patrimonio educativo e a evolución da escola a través do tempo. "As súas pezas teñen un gran valor histórico, e a través delas podemos ver a enorme evolución que tivo o sistema educativo galego", afirmou o titular de Educación, quen sinalou este museo como o "reflexo que constata o progreso social de Galicia". O valor expositivo do Mupega constátase nos máis de 8.000 visitantes que tivo no 2024, así como nos 18.000 usuarios que empregaron os seus recursos físicos e online.
Segundo explicou Román Rodríguez, a finalidade desta actuación, enmarcada no Plan de nova arquitectura pedagóxica que acadará os 500M€ de investimento ata 2028, é facer o edificio máis eficiente e accesible ao tempo que lograr un mellor aproveitamento dos espazos e darlle un impulso de calidade ao proxecto expositivo para o que foi pensado.
Descrición das obras
Actuarase sobre unha superficie de 670 metros cadrados e a previsión de que estean concluídas no outono se a contratación e a obra se desenvolven con normalidade.
Así pois, acometerase a redistribución e renovación dos espazos da planta baixa, coa dotación de novos baños, zona de lactación e almacén de limpeza. Tamén se habilitará un novo espazo para aula modelo de exposición máis amplo e accesible, así como un acceso ao ascensor e un novo espazo de recepción. Así mesmo, substituirase o falso teito existente por outro novo e todas as luminarias por luces LED, ademais da colocación dun pavimento vinílico acústico que fará o espazo máis confortable.
Na zona expositiva central, demolerase a estrutura de madeira intermedia para deixar un espazo máis diáfano. Na zona de auditorio, procederase ao cambio de pavimento, á ampliación da zona de escenario e á renovación do mobiliario. Tamén se dotará esta zona dun acceso para mobilidade reducida e habilitaranse novas prazas para usuarios en cadeira de rodas. Incorpórase ventilación e climatización, nova iluminación e paneis acústicos en paramentos e teitos. Finalmente, colocarase unha nova rampla de acceso secundario á dereita da biblioteca que será habilitada como saída de emerxencia.
Obras en centros educativos composteláns
A intervención no Mupega completa un conxunto de actuacións previstas polo Goberno galego na cidade compostelá, que se atopan en distintas fases e que acadan este ano un investimento de case 7M€ por parte da Consellería de Educación. Trátase da mellora do pavillón de talleres do Politécnico por 353.000€, a mellora do Instituto IES Pontepedriña por un importe de 317.00€ e a reforma do Mupega por 504.000, as tres xa licitadas. Por outra parte, xa foi adxudicada a ampliación do Instituto IES Eduardo Pondal por 3M€.
Así mesmo, a Consellería ten en carteira para este ano a rehabilitación integral do IES Arcebispo Xelmírez II (2 M€) e a renovación das cuberta e dotación dun ascensor do IES Plurilingüe Rosalía de Castro (500.000€) para a súa licitación ao longo deste ano.
