Belén do Campo supervisa a zona na que se levará a cabo o acondicionamento da AC-421 na Agualada, en Coristanco, que suporá un investimento de case 764.000€ e inclúe unha senda peonil
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Xunta prevé licitar a execución das obras ao longo do exercicio
- Trátase da humanización do treito inicial desta vía, que inclúe a execución dunha senda peonil, a mellora de beiravías, do firme e da drenaxe
- Comunicaranse co núcleo de Agualada as vivendas dispersas situadas ao longo de estrada ata o punto quilométrico 0+750 mediante unha senda pola marxe dereita
- No tramo entre os puntos quilométricos 0+712 e 0+727, coincidindo co cruzamento sobre o Río Calvar, acometerase unha pasarela de madeira de 15 metros
Estas imágenes pertenecen a Página Oficial de la Xunta de Galicia
Coristanco (A Coruña), 20 de xaneiro de 2025
A delegada da Xunta, Belén do Campo, acompañada polo alcalde de Coristanco, Juan Carlos García, e pola directora territorial da Consellería de Vivenda e Planificación de Infraestruturas, Begoña Freire, visitaron a zona na que se vai a realizar o acondicionamento da estrada AC-421 na Agualada, que suporá un investimento de case 764.000€. O proxecto aprobouse recentemente no Consello da Xunta.
A delegada tamén informou na visita que se vén de aprobar o trámite de información pública e o informe das administracións afectadas.
A representante do Goberno autonómico adiantou que se prevé licitar a execución das obras ao longo do exercicio e ten un prazo de execución de 6 meses.
Belén do Campo, explicou que se trata dunha obra de humanización do treito inicial desta vía autonómica ao seu paso polo municipio coruñés, na que se inclúe a execución dunha senda peonil, a mellora de beiravías, do firme e da drenaxe. As actuacións consistirán na reorganización de espazos e a mellora dos pavimentos no tramo de travesía da AC-421 comprendido entre o punto quilométrico 0 e o 0+135, ampliando beirarrúas coa diminución do ancho de calzada e redistribuíndo as zonas de aparcamento, dando maior protagonismo ao peón.
O obxectivo da actuación é comunicar co núcleo de Agualada as vivendas dispersas situadas ao longo de estrada ata o punto quilométrico 0+750 mediante unha senda pola marxe dereita. Na actualidade, este tramo carece de beiravía ou beirarrúa, polo que con esta actuación perséguese o fomento da mobilidade sostible en condicións seguras.
Doutra banda, para mellorar a drenaxe da vía darase continuidade á cuneta formigonada existente no quilómetro 0+980 pola marxe esquerda ata as casas situadas no punto 0+750.
Ademais, entre os puntos quilométricos 0+712 e 0+727, coincidindo co cruzamento sobre o Río Calvar, acometerase unha pasarela de madeira de 15 metros de longo apoiada en estribos cargadeiro de formigón.
Tamén se levará a cabo a rehabilitación do firme entre os puntos quilómetros 0 e 0+980, no enlace coa autoestrada A Coruña-Carballo (AG-55), incluíndo a execución dunha cuneta de seguridade pola marxe esquerda entre os puntos quilométricos 0+750 e 0+980.
