A Xunta licita por 1,8 millóns de euros a dotación de cabeceiros suspendidos e columnas cirúrxicas con destino ao hospital Novo Montecelo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Executivo galego adquirirá un total de 40 cabeceiros de altas prestacións e 36 columnas cirúrxicas para o hospital público de Pontevedra
- O expediente tamén inclúe a dotación dunha columna de anestesia para a nova sala de intervencionismo de CPRE (combina raios X e endoscopia) do Hospital Álvaro Cunqueiro de Vigo
- As empresas interesadas en participar neste procedemento terán até o vindeiro 13 de febreiro para remitir as súas ofertas
Santiago de Compostela, 16 de xaneiro de 2025
O Portal de Contratos Públicos de Galicia publica o proceso de licitación para a dotación de cabeceiros suspendidos de altas prestacións e de columnas cirúrxicas e anestesia con destino ao hospital Novo Montecelo.
En concreto, a Xunta adquirirá 40 cabeceiros de altas prestacións que se distribuirán do seguinte xeito no centro hospitalario: 25 terán como destino as diferentes Unidades de Coidados Intensivos (UCI, UCIN e UCIP), 12 as unidades de Reanimación, e outros 3 para os servizos de Urxencias do hospital. Así, o Executivo galego destinará unha partida que superará os 1,1 millóns de euros para este equipamento.
Do mesmo xeito, investirá máis de 670.000 euros en dotar ao Novo Montecelo con 13 columnas de anestesia, 12 columnas de cirurxía e 11 columnas de endoscopia. No caso das columnas de cirurxía e anestesia a súa localización serán os quirófanos do centro hospitalario; as columnas de endoscopia emprazaranse nas diferentes salas de intervencionismo; e os cabeceiros suspendidos de altas prestacións instalaranse nas unidades de críticos e de reanimación cardiopulmonar das urxencias do Novo Montecelo de Pontevedra.
Este equipamento posibilitará que profesionais sanitarios poidan dispoñer de tomas de gases, eléctricas e de datos á beira do paciente, ademais de permitir a colocación de equipamento de soporte vital.
Por outra banda, cómpre apuntar que o actual expediente de licitación tamén inclúe a adquisición dunha columna de anestesia que terá como destino a nova sala de intervencionismo de CPRE (intervención que combina raios X e endoscopia) do Hospital Álvaro Cunqueiro de Vigo.
As empresas interesadas en participar neste procedemento terán até o vindeiro 13 de febreiro para remitir as súas ofertas.
