A Consellería do Medio Rural publica a convocatoria das axudas para o fomento de razas autóctonas dotadas con 220.000 euros
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Poderán beneficiarse as organizacións ou asociacións de criadores das razas autóctonas galegas recoñecidas oficialmente pola Comunidade Autónoma para a xestión do libro xenealóxico no marco do Programa de cría da raza correspondente
- O prazo para presentar as solicitudes é dun mes a partir de mañá, día seguinte da publicación desta orde no Diario Oficial de Galicia (DOG)
Santiago de Compostela, 2 de xaneiro de 2025
A Consellería do Medio Rural, a través da Dirección Xeral de Gandaría, Agricultura e Industrias Agroalimentarias, vén de convocar as axudas para o fomento das razas autóctonas galegas, dotadas cun orzamento de 220.000 euros. Así o recolle a orde publicada hoxe no Diario Oficial de Galicia (DOG), na que se establecen as bases reguladoras.
Poden beneficiarse destas achegas as organizacións ou asociacións de criadores das razas autóctonas galegas recoñecidas oficialmente pola Comunidade Autónoma para a xestión do libro xenealóxico no marco do Programa de cría da raza correspondente.
Neste sentido, as axudas teñen como finalidade aumentar a rendibilidade das explotacións gandeiras; modernizar o sector primario galego en materia de xenética, sanidade e producións; así como mellorar a eficiencia dos sistemas produtivos agrarios e das calidades nas súas producións.
Os gastos subvencionables serán aqueles derivados da creación ou mantemento de libros xenealóxicos. As achegas tamén servirán para sufragar os gastos relativos á implantación e desenvolvemento dos programas de cría oficialmente aprobados. O prazo para presentar as solicitudes é dun mes a partir de mañá, día seguinte da publicación desta orde no Diario Oficial de Galicia (DOG).
Estas subvencións non só presentan beneficios para a biodiversidade, senón que contribúen á preservación do patrimonio cultural de Galicia e ao desenvolvemento económico da comunidade rural galega. Manter medidas de apoio a estas razas tamén permite que se desenvolvan sistemas agrogandeiros máis resilientes e sostibles.
Ligazón á orde no DOG:
https://www.xunta.gal/dog/Publicados/2025/20250102/AnuncioG0426-291124-0009_gl.html
